سؤال بيتكرر كل يوم وبنجاوب اجابة سطحية

هل الكتاب المقدس الذي يؤمن به المسيحيون قد حُرِّف أم لا؟

قبل الإجابة على السؤال، لا بدّ من الإشارة إلى أنه سؤال هام جداً لكونه يتعلّق بالتشكيك بصحة الكتاب المقدس وتحريفه. والمعروف أن الكتاب المقدس هو كتاب الوحي الذي يتضمن كلام الله ودستوره وتعليمه للبشر. وهو يُعتبر الأساس الذي ترتكز عليه العقيدة الأساسية للديانة المسيحية. والكتاب المقدس يُعتبر كتاب الكتب بالنسبة للمسيحيين، لأنه يحتوي على كلام الله وتعاليمه وشرائعه التي أوحى بها الله إلى رجاله القديسين. وهو مصدر الإيمان بالنسبة للدين المسيحي، ويخبرنا عن محبة الله ورحمته وفدائه للناس بواسطة المسيح المخلص. وإن كل ما جاء فيه يعرض مقاصد الله وتعاليمه بكل أمانة وإخلاص. فكل ما جاء فيه كان بإرشاد روح الله القدوس. وأن الله سبحانه وتعالى يُثبت مدى صحة هذا الكتاب بقوله: "كل الكتاب موحى به من الله، ونافع للتعليم والتوبيخ، للتقويم والتأديب الذي في البر، لكي يكون إنسان الله كاملاً متأهباً لكل عمل صالح" (2تيموثاوس 16:3 و17).

طالما أن الكتاب المقدس يحتوي على كلام الله، وكل ما جاء فيه كان بإرشاد الروح القدس، وطالما أن الإيمان المسيحي مستمدّ منه، فهل صحيح ما يروّجه البعض بأن الكتاب المقدس قد حُرِّف مرّ السنين؟

في الواقع، أن ما يُطلق أحياناً على لسان البعض أن الكتاب المقدس كان عُرضة للتحريف والتغيير على مرّ السنين، هو ليس أكثر من مجرّد افتراء أو ادّعاء باطل. فالكتاب المقدس هو كلمة الله، ومن يجرؤ على تغيير أو تبديل كلام الله، وما الهدف من ذلك؟ ولو صحَّ ما يُقال، لكان إيمان المسيحيين المبنيّ على ما جاء في الكتاب المقدس هو تعليم باطل. ولكن الحمد لله أن ذلك لم يحصل ولن يحصل البتة، طالما أن الله سبحانه وتعالى مصدر الوحي وهو القادر أن يحفظه.

ما هو الدليل أو البرهان على أن الكتاب المقدس لم يُحرَّف، وأن ما يُقال بهذا الصدد هو مجرّد ادعاء؟

يوجد عدّة أدلة تحض الاتهام بأن الكتاب المقدس قد حُرّف منها:

1 - إن الكتاب المقدس موجود اليوم بين أيدينا، وعلى من يدّعي أن الكتاب مُحرّف أن يُبرز النسخة الأصلية غير المحرّفة بحسب اعتقاده، ولا وجود لذلك طبعاً.

2 - أن الادّعاء بتحريف الكتاب المقدس لم يبرز إلى الوجود إلا بعد عدة قرون من بداية المسيحية، وما يدحض هذا الادّعاء، هو وجود نسخ كاملة من الكتاب المقدس تعود إلى القرون الأولى للميلاد، أي قبل ظهور ادّعاءات المدّعين. وهذه النسخ محفوظة في المتاحف الشهيرة في أماكن مختلفة حول العالم، ويمكن الرجوع إلى هذه النسخ الأصلية التي سبقت الادّعاء بالتحريف لمقارنة الكتاب المقدس الحالي بتلك الكتب القديمة، وكلها طبعاً متوافقة تدحض التحريف، منها:

1 - نسخة بيزي المحفوظة في كمبريدج: تحتوي على الأناجيل الأربعة وأعمال الرسل، وقسم من رسالة يوحنا الأولى، يعود تاريخها إلى القرن الخامس أو السادس للميلاد.

2 - النسخة الأفرامية في بارس: تحتوي على العهدين القديم والجديد كاملين باليونانية القرن الخامس.

3 - النسخة الإسكندرية المحفوظة في المتحف البريطاني بلندن: العهدان القديم والجديد باليونانية سنة 325 للميلاد.

4 - نسخة واشنطن الأناجيل القرن الرابع أو الخامس

5 - النسخة الفاتيكانية المحفوظة بروما: العهدان القديم والجديد باليونانية حوالي سنة 300 للميلاد.

6 - النسخة السينائية المحفوظة في المتحف البريطاني بلندن: العهدان القديم والجديد باليونانية مثل الفاتيكانية في القدم، بل ربما أقدم منها.

7 - بردية تشستربيتي المحفوظة في دبلين بإيرلندا: أجزاء من الأناجيل وسائر أسفار العهد الجديد. حوالي سنة 250 للميلاد.

8 - بردية بودكر المحفوظة في جنيف بسويسرا: فيها إنجيلا لوقا ويوحنا وبعض الرسائل حوالي سنة 200 للميلاد.

9 - بردية دون رينلد المحفوظة في مانشتر بإنجلترا: فيها إنجيلا يوحنا وترجع إلى حوالي سنة 120 للميلاد.

3 - لا شك أنه بعد جمع أسفار الكتاب المقدس في كتاب واحد، صدر عنه نسخ عديدة توزعت في بلدان مختلفة. ومن يريد أن يحرّف الكتاب لما استطاع جمع كل النسخ الموجودة ليحرّفها. فإذا حُرّف بعضها، فلابد أن يكون البعض الآخر بدون تحريف، فأين تلك الكتب غير المحرّفة حسب زعمهم؟ أنها غير موجودة طبعاً.

4 - توافق ما جاء في الكتاب مع علم الآثار وتعاليم الأنبياء وكتابات آباء الكنيسة الأولى، التي تؤيّد بما جاء في التوراة والإنجيل ومنه ما يلي:

أ - القول الصريح الوارد في سورة المائدة 44: "إنا أنزلنا التوراة فيها هدى ونور يحكم بها النبّيون".

ب - ما ورد في سورة المائدة 46: "وقفينا على آثارهم بعيسى ابن مريم مصدقاً لما بين يديه من التوراة، وأتيناه الإنجيل فيه هدى ونور ومصدقاً لما بين يديه من التوراة وهدى وموعظة للمتّقين".

ج - وأيضاً ما ورد في سورة المائدة 68: "قل يا أهل الكتاب لستم على شيء حتى تقيموا التوراة والإنجيل وما أُنزل إليكم من ربكم".

"ولا تجادلوا أهل الكتاب إلا بالتي هي أحسن إلا الذين ظلموا منهم وقولوا آمنّا بالذي أنزل إلينا وأنزل إليكم وإلهنا وإلهكم واحد ونحن له مسلمون" (العنكبوت 46). "قل يا أهل الكتاب تعالوا إلى كلمة سواء بيننا وبينكم" (آل عمران 64). "قولوا آمنا بالله وما أنزل إلينا وما أنزل إلى إبراهيم وإسماعيل واسحق ويعقوب والأسباط وما أوتي موسى وعيسى وما أوتي النبيون من ربهم لا نفرق بين أحد منهم ونحن له مسلمون"(البقرة 136). "

وهذا طبعاً يعطي شهادة القرآن الكريم بصحة التوراة والإنجيل، ولو كان الكتاب المقدس محرّفاً لما جاءت مثل هذه الشهادة.

هل هناك شهادات أخرى تشير إلى صحة أو عدم تحريف الكتاب المقدس؟

هناك شهادتان أساسيتان هما: شهادة المؤمنين وشهادة الله.

1 - شهادة المؤمنين:

إن شهادة المؤمنين تبرز في إيمانهم الواحد بصحة ما جاء في الكتاب المقدس منذ بداية المسيحية حتى اليوم ومع أن المسيحية تنقسم إلى طوائف، فكل الطوائف مهما اختلفت في تفسير آيات الكتاب تؤمن بصحة ما جاء فيه، وبالأخص إيمانهم بالسيد المسيح أنه الإله الذي ظهر في الجسد، وأنه وُلد ولم يُخلق، وأنه عمل الآيات والمعجزات مثل شفاء المرضى وإقامة الموتى وغيرها، وأخيراً صلبه عِوضاً عن الإنسان الخاطئ، وقيامته من الأموات لأجل تبرير الخطاة، وأنه صعد إلى السماء. فكل هذه الحقائق تؤمن بها جميع الطوائف المسيحية ولا خلاف حولها البتة، وهذا هو جوهر تعاليم الإنجيل.

2 - شهادة الله:

تأتي شهادة الله في وصاياه وأقواله. فقد أوصى الله المؤمنين على مرّ العصور بأن كلامه الموحى به نافع للتعليم والتوبيخ للتقويم والتأديب. فأوصى المؤمنين قائلاً:

1 - "لا تزيدوا على الكلام الذي أنا أوصيكم به، ولا تنقصوا منه، لكي تحفظوا وصايا الرب إلهكم التي أنا أوصيكم بها" (سفر التثنية 2:4).

2 - وقوله أيضا "كل الكلام الذي أوصيكم به، احرصوا لتعلموه، لا تزد عليه، ولا تنقص منه" (تثنية 32:12).

3 - وقوله أيضاً: "لم تأتِ نبوة قط بمشيئة إنسان، بل تكلم أُناس الله القديسون مسوقين من الروح القدس" (2بطرس 1: 12).

4 - وقل السيد المسيح: "فإني أقول لكم إلى أن تزول السماء والأرض لا يزول حرف واحد أو نقطة واحدة من الناموس حتى يكون الكل" (متى 18:5).

5 - وأخيراً تحذير الله لكل من يزيد على الكتاب المقدس أو ينقص منه بقوله: "لأني أشهد لكل من يسمع أقوال نبوة هذا الكتاب. إن كان أحد يزيد على هذا، يزيد الله عليه الضربات المكتوبة في هذا الكتاب. إن كان أحد يحذف من أقوال هذه النبوة، يحذف الله نصيبه من سفر الحياة، ومن المدينة المقدسة، ومن المكتوب في هذا الكتاب" (رؤيا 18:22-19).

فبعد كل هذه التوصيات والتحذيرات الصارمة من الله، هل يتجرأ أحد من المؤمنين على تحريف كلام الله؟

فالمؤمنون لا يجرؤن على تحريف الكتاب المقدس. أما غير المؤمنين فيتعذّر عليهم جمع الألوف من نسخه المنتشرة في العالم ليعبثوا بها ويزوروها. وعلى هذا الأساس، فإن الادّعاء بأن الكتاب المقدس كتاب مُحرّف، هو ادّعاء باطل لا أساس له، ومن لا يؤمن بذلك عليه أن يثبت العكس لتقبل حجّته.

موضوع مهمممممممممممم جداااا جدااا مرسى اوى اوى ليك شادى
_________________
jesus my lord

بص هو موضوع جامد بجد والكلام فيه كتير بس انا لى عتاب عليك انك بتستخدم الكلام اللى عاملة الانسان كدليل (الآيات والصور اللى انت كاتبها لانه ماينفعش ندافع عن النور بالظلام وعن الحق بالكذب) لكن شكرا ليك
GOD BLESS YOU

لا يا اخ ديف اسمحلى ارد واقولك ان بولس الرسول قال كنت للذين تحت الناموس كانى تحت الناموس وكنت للذين بلا ناموس كانى بلا ناموس ياعنى لازم نبقى عارفين الرد من ايات ومن مصادر اخرى علشان لو سالنا اى حد نقدر نرد عليه
سواء كان مسيحى او غير مسيحى واظن لازم كلنا لو مش عارفين نعرف الايات دى علشان نقدر نجاوب على غير المؤمنين اسف طولت عليك معلش

ومرسى لاهتمامك ومرورك

اولا الاية اللى انت ذاكرها ماتنفعش فى الموقف ده خالص
ثانيا زى مانا قلت انك تقتبس من كلام مش كلام الله ده موضوع غلط وماعتقدش انه محتاج مناقشة لانه هايعرف اللى قدامك ان كتابه صح وكتابه اصلا غلط واحنا وهما عارفين كدة
ثالثا انت لو اخدت ابونا زكريا كمثال هتلاقيه بيستخدم الايات ديه مش لاثبات صحة كتابنا انما لضحض مصداقية كتابهم وهناك فرق شاسع بين النقطتين
رابعا كونك غير واثق من كتابك ومن كلامه هو اللى يخليك تدور على مكان تانى تجيب منه ايات علشان تدافع بيها
خامسا لو كان الله عايز يحط ايه علشان تنفع سعادتك فى موقف زى ده كان حطهالك فى كتابه مادورش على كتب تانيه ولا ايه؟
سادسا وليس اخرا ان الله مش محتاج حد يدافع عن كتابه لانه صامد والتاريخ مليان ان يد الله بتعرف تحمى كلامه كويس
السماء والارض تزولان يا كابتن شادى لكن نقطة واحدة من كلام الله الحقيقى لا تسقط ده كلامه مش كلامى ولا كلام حد تانى
_________________

انا شايف يا اخ ديف انك واخد الموضوع بنرفزة اوىاوى ومحسسنى انى انسان جاهل وجايب كلام من تاليفى او مش موجود ومعلش اسمحلى ارد على نقطة نقطة
ممكن
اولا كون الايات تقول اننا اهل الكتاب وانهم لازم يرجعو لينا وده كلامهم هما الى ممكن يقتنعو بيه لانه كلامهك الى فى كتابهم او
ثانيا انا مش مشكلتى كتابهم لا ن مش ده موضوع سؤالى الى بجاوب عليه بس هسالك سؤال لو انتى فى واحد بيتكلم انجليزى شتمك وكمان غلط فى دينك ياترى هترد عليه بالعربى وتقوله مش مهم انت تفهم المهم انى ارد بالغتى ومن عقلى ومش مهم انت تفهم الرد ولا هترد عليه بالغة الى يفهمها
وياريت يا اخ ديف تراجع قول بولس الرسول الى ذكرته قبل كده وياريت كمان تشوف بولس الرسول لما دخل اثينا وهى عاصمة المعرفة معرفش يدخل يكلمهم ازاى
كلمهم من الهتهم لمنتشرة لما لقى الاه مكتوب عليه الاله المجهول اظن دخل من النقطة الى ممكن يفهموها

ثالثا مع احترامى الكامل لابونا ذكريا انا ميهمنيش اقول ان كتبهم غلط او اضحض كتابهم لانى واثق فى ايمانى يهمنى اقوى ثقتى بربنا ولو حد سالنى على سر الرجاء الى فيا ارد باى لغة واى اسلوب مش اقف ساكت
رابعا انا ممكن اعتبر دى اهانة كبيرة ليا لانى لو مش عارف كتابى كويس مكنتش جبت ايات من الكتاب واضن هى مزكورة كنت كلفت نفسك وقريت كنت عرفت انى ذكرت فى 2 - شهادة الله:
خمس نقاط تحتوى على ايات من الكتاب المقدس
[color=red]خامسا وسادسا

انا اسف يا جماعة على انى طولت على اسلوبى لو بيضايق حد فيكو اوعدكو معنتش هكتب تانى
واكيد هستفيد كتير من قراية موضوعاتكو ومرسى لاخويا ديف انه وضحلى جاهلى وضعف اسلوبى واوعدكو يا جماعة انا هفضل مستمع لحد متعلم منكو ارد ازاى او اكتب ازاى

موضوع هايل يا شادى بجد تحفة قوى ومهم جداولازم طبعا كلنا نفهم يعنى ايه تحريف الكتاب المقدس وازاى نرد على اللى بيقوله كده بس انا ليا تعليق على ديف انه بيقول مينفعش اننا نستخدم اياتهم فى الرد على كلامهم يبقى سامحنى لان من ضمن اثبات مثلا لاهوت السيد المسيح بنعتمد على عدة شواهد زى مثلا شهادة الملاك جبرائيل وشهادة الرسل وكمان شهادة الشيطان الى جانب اننا بردو منسناش ناخد بشهادة القران مثلا انه قال ان المسيح هو المولود بطريقة معجزية وكمان مؤيد بالروح و يأتى ليدين العالم وانفرد بصنع المعجزات ومعملش ولا خطية وهو الوحيد الذى عاد من حيث ما جاء .. طبعا الكلام ده مش من عندى وفعلا لازم انك تعرف لغة اللى قدامك عشان تعرف تحاوره ....... انا اسفة طولت عليكم بس حبيت انى اقول رأيى و بجد موضوع شديد يا شادى و الى المذيد ...........................ز

بص يا شادى النقاش لا فيه نرفزه ولا زعل وزى مابنقول الاختلاف فى الاراء لا يفسد للود قضية ومش معنى ان الموضوع ده علقت عليه بوجهة نظر مختلفة انك تاخد الموضوع على محمل شخصى لانى متهايالى ان الكلام ده انت ناقله او سامعه فى مكان تانى بس من فضلك موضوع عدم مشاركتك ده مش صح لا احنا نتكلم ونقول المواضيع اللى عندنا لان انا مش قصدى انت كشخصك ولا موضوعاتك طبعا لان فى مواضيع انت مشاركنا بيها شديدة وشعرك جميل لكن انا كان عندى تحفظات هنا وقلتها اما بالنسبة للموضوع (هانكمل نقاش بدون زعل ولا نرفزة ولا حتى حساسية)
اما موضوع الواحد الانجليزى ده فمتهايالى وسعت شويه لان اللغة واحدة بينا بس كل المشكلة فى المرجع اللى انت بترجع له وتتكلم منه ومدى مصداقيته ومش هافتح مواضيع للرد عليها تانى فى الموضوع ده اما العضوه الجديدة فاحنا بنرحب بيها طبعا ونقولها اهلا بيكى فى منتداكى لكن كل الشهادات اللى انت ذكرتيها اما كانت كتابية او موثقة كتاريخ للكنيسة اما احنا هنا بنتكلم على رد او اقتباس من كتب غير صحيحة يا ريت تكونى فهمتى زاوية النقاش هنا وشكرا ليكى على المشاركة ومن فضلك يا شادى ماتزعلش لانه زى ماقلتلك الاختلاف فى الاراء لا يفسد للود قضية وهدفنا هنا اننا نتناقش فى كلام كتابى وشكرا ليك مرة تانية على الموضوع الجامد ده
GOD BLESS YOU
_________________

بص ياdav
انا منكرش انى زعلت وكا حاجة بسعاوز اقولك انك لما تراجع اسلوبك هتلقيه مش اختلاف فى الراى لانك قولت كليمات صعبة جد زى

((خامسا لو كان الله عايز يحط ايه علشان تنفع سعادتك فى موقف زى ده كان حطهالك فى كتابه مادورش على كتب تانيه ولا ايه؟

سادسا وليس اخرا ان الله مش محتاج حد يدافع عن كتابه لانه صامد والتاريخ مليان ان يد الله بتعرف تحمى كلامه كويس
السماء والارض تزولان يا كابتن شادى لكن نقطة واحدة من كلام الله الحقيقى لا تسقط ده كلامه مش كلامى ولا كلام حد تانى)))
اظن يا اخى المحبوب ان الكلام ده مش اختلاف فى الراى انما اسلوب تهكمى ولو كان ده اسلوبك الى تحب تتكلم بيه او انت بتستعمله فى اختلافك فى وجه النظر مع حد انا مش بحب الاسلوب التهكمى فى الحوار لكن انا مش مختلف معاك شخصيا غير فى اسلوبك ومن حقك تقول رايك بس بالاسلوب الى يتناسب مع روح المنتدى ومع طبيعة الشخصية الى قدامك انا مش هرد على اى نقطة تانية
اظن احنا ردينا بما يكفى والموضوع خد اطار اكبر من حجمه كونى مش هكتب
لانى عاوزك وكل اعضاء المنتددى يقولى لو اسلوبى فى الرد خرج عن نطاق الادب او التعاليم او انى كتبت حاجة شاذة اتمنى ان ادارة المنتدى تقولى وبجد هل استشهادى بهذه الايات جريمة ومش يتفق مع روح المنتدى
واخيرا اجب اشكرك يا اخى المحبوب وانا مفيش زعل من ناحيتك لاننا كل الموضوع مخرجش عن نطاق الحوار واتمنى انى مخرجتش عن نطاق الادب وروح المحبة المسيحية فى ردودى عليك واتمنى بجد انك متكونش زعلان واتمنى من ادارة المتدى تقولى لو الموضع الى انا زكرنه فى اخطاء اتمنى انهم يسمحولى احذفه نهائى وبعديها وبعد ماعرف الرد اوعدكو انى هرجع للكتابة مرة اخر سلام الرب معكو اسف طولت عليكو

اعتقد ان خامسا وسادسا يا شادى مافيهمش حاجة تزعل ده بالعكس فيهم ايه من الكتاب الا اذا كنت يتزعل انى استشهد بايه من الكتاب المقدس طبعا وشكرا ليك والاسلوب بيتفهم من طريقة القراءة مش الكتابة وانا مكنش قصدى لا تهكمى ولا استفزازى وياريت متستناش الرد من باسم او غيره فى المنتدى علشان تكمل معانا مشاركاتك وكتاباتك
بس انا كنت عايز اعرف انت اللى كاتب ولا منقول ولا سمعت الموضوع ده قبل كدة
وشكرا ليك مرة اخرى
GOD BLESS YOU
_________________

اولا انا بشكر شادى على لموضوع لانه بجد موضوع كبيييييييييير جدا
طبعا لازم كنا نناقشه جماعه فى الشات مثلا
بس انا بشكره تانى على الفرصه دى .
النقطه التانيه اللى انا عايز اتكلم فيها هيا

عيب عايــــــــــــــــــــــــنا

انا اضايقت جدا من المرحله اللى وصل فيها النقاش بينكم

مكنتش اتمنى انكم تجرحوا بعض ولو بدووووون قصد

طبعا انا مقدرش اجزم اذا كان استشهاد بأيات من كتب تانيه صحيح ولا فيه غلط

(لانى انسان عادى) واكيد ليا رأيى زى اى حد ومش معنى انى بمثل اداره المنتدى

يبقى رأيى الشخصى يمشى فى موضوع مهم زى كده

انا مكنتش اتمنى انه موضوع تحريف الكتاب يدخل فى تشويه صوره اى كتاب اخر يا (dav)

عموما انا بتفق مع ديفيد فى الرأى انه كتاب الله مش محتاجنا ندافع عنه

ومجرد انه الواحد يفكر فى الدفاع عن الحق هو بكده شكك فى كونه حقا

(رأى شخصى)

عموما انا مبسوط جدا من النقاش اللى حصل مع بعض التحفظات طبعا

وياريت مش من اول تجربه او حرب للشيطان بينا فى المنتدى نبتدى نتخلى عنه بسهوله

ياريت نتعلم نقبل بعض

وانا اوعدكم انكم هاتخدوا على اسلوب بعض

واضمنلك يا شادى انه اسلوب ديفيد مش تهكم ابداااااااااااااااااااااا

ومعلش لو طولت عليكم

_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

ميرسى ليك يا باسم على ردك الظريف ده وعلى رايك فى الموضوع رغم انه اتاخر شوية وعلى تواضعك كمان وسامحنى انت وشادى لو كنت غلطت فى حد لان الموضوع ده مهم لينا كان لازم نتناقش فيه وكنت اتمنى اننا نصل الى نتيجة يعنى حد يقتنع بس الظاهر ان شادى ملضمش معايا فى النقاش وخده بقفش شوية لكن معلش يا عم شادى حقك على بغض النظر مين اللى صح ومين اللى غلط والمهم كلنا عايزين نوصل لنتيجة ان الكتاب المقدس ماتحرفش بس من فضلك نصيحة من اخوك الكبير لما تكون بدافع عن الحق ماتستشهدش بالباطل وشكرا ليك

GOD BLESS YOU
_________________

تمام شكرا يا ديفيد على روحك الرياضيه دى
صحيح يا عم (كروى قديم)
وشكرا لاهتمامك بالموضوع
وبما انك اكبر منى
واكبر من شادى كمان
فأنا واثق انى هاستفيد جداااااااااا من ارائك دى وشادى كمان
وعموما ربنا يخليك لينا وللمنتدى يا باشا
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى