طبعا بنتكلم هنا على موضوع الشاب والشابه

لكن السؤال المحير واللى كتير بيوقعوا فيه هو علاقة الشاب والشابة داخل الكنيسة او مكان العبادة مهما ان كان هو ايه والتصرفات اللى احنا فاكرنها صح ومودرن وهى اساسا غلط والكتاب بيقول عليها غلط لكن الموضوع اللى انا عايز اسمع ارء الناس فيه هو ان الكتاب بيقول" لتصمت نسائكم فى الكنايس "وكمان بيقول "انه كما المسيح راس الكنيسة هكذا الرجل راس المرأة " وبيقول ان المرأة المفروض انها تحضر فى محضر الله وهى مغطيه شعرها ده مش كلام قديم لكن اللى بيحصل دلوقتى من مينى جيب وميكروجيب وباديهات مخالف تماما لكلام الله ايه راى الشباب ياريت اسمع من ناس فاهمة وواعية اللى مايعرفش يتابع المناقشة ولو فى حاجة معجبتهوش ممكن يسال بس ياريت نتكلم من وحى الكتاب وناس واعية وناضجة يا جماعة وشكرا ليكم

شكرا اخويه dav لمشاركتك معانا
اتمنى انه يكون المنتدى بجد عجبك
وشكرا على الموضوع الجامد للى انت طارحه للمناقشه ده
على فكره لللاسف نادرا لما نلاقى حد مش عاجبه الوضع او بيستحى منه زى حضرتك كده
للاسف الموضه والكاجوال والشياكه وكل البنات بتعمل كده وكل الولاد بيعملوا كده عموا عنينا
طبعا انا معاك فى كل الايات والنقط الكتابيه اللى انت ذكرتها بس انا ليا رأى
انه الزمن بيختلف كتير وطبعا احنا مش من المفروض اننا نفهم الكتاب حرفيا
بيتهيألى انه معنى النقط والايات دى ممكن يتناسب مع كل الاجيال بمعنى واحد
انه على الانسان ( الرجل والمرأه ) احترام الكنائس
وعموما ده رأيى واحب اعرف اراء باقى الاعضاء وشكرا لمشاركتك لينا
_________________

معلش بس احنا كتابنا نافع لكل الاوقات والانزمنة مافيش حاجة اسمها كان زمان لانك لو بصيت لوقت زمان هتلاقى البركة كانت اكبر مش بس على المؤمنين لكن على مصر كلها والاقتصاد اعظم مثال لان الرب لما بيبارك بيبارك كل حاجة حتى الاقتصادومعلش انا عايزك تفهمنى (مش حرفيا ) معنى الايات ديه لانها مالهاش تفسير غير واحد حرفى او مضمون وشكرا على مشاركتك معايا فى الموضوع ده ربنا يبارك حياتك

اوكى انا اقصد بكلمه انه احنا منفهمش الكتاب حرفيا
انه الكتاب عمره ما بيعملنا عوائق او سدود او عثرات عشان نقع فى الاخطاء
وبرضه مش معناها اننا نشكل كلام الكتاب على مزاجنا بس طبعا
فى حاجات بتختلف على اختلاف العصور يعنى مثلا الكتاب مزكرش اى حاجه عن العربيات يبقى ركوب العربيه حرام
ولا على النت يبقى استخدام النت حرام
انا رأيى انه الايات دى مقصود بيها احترام المكان
وميرسى لردك الجميل
_________________

فعلا الايات دى وفى ناس كتير بتنفذها بجد نشكر الرب وشكراااا جدا ليك على الموضوع الجااااااااااااااااااامد جدا جدا ربنا يباركك وانا معاك ان دة الرب قالة ولازم يتنفذ
_________________
jesus my lord

شكرا ليكى على تشجيعك يتحسسينا ان لسه فى ناس عايزة بركة من الرب وشكرا كمان انك وقفتى قدام الموضوع ده ورديتى عليه ربنا يباركك

انا معاك ديفيد اليومين دول بتحصل حاجات غريبه اوى من البنات للاسف بنحس انهم داخلين ديسكو مش داخلين كنيسه انا اسفه طبعا جايز كلامى يكون صعب لكن فعلا ده اللي بيحصل وللاسف بردو البنات دلوقت مش في دماغهم انهم داخلين بيت ربنا اللي ليه قدسيته ده غير اللبس الخارج كمان الميكب اوفر اوى بنبقي في القداس وينفع يطلعوا منه علي فرح بس انا اعتقد ان ده دور البيت اكتر من البنت عموما ربنا يرحمنا ويحمينا شكرا علي موضوعك الجميل

شكرا ليكى دينا وربنا فعلا يحمينا من العولمة وابليس وعمايلة فى المؤمنين

وضعاف النفوشس والايمان فى الكنائس

_________________