منتدى العلاقات بين الجنسين

من اكتر المشكلات اللى بتواجه الشباب مشكله الحب والارتباط والعلاقه مع الجنس الاخر اكيد جربت او سمعت لو انت بتتعرض لمشكله لو كان ليك تجربه لو لسه متعرفش حاجه لو عندك حاجه تشاركنا بيها لو عندك مشكله بتتعرضلها فى موضوع العلاقه بين الولد والبنت اظن انه جه الوقت انك تحكى تستشير وتشاركنا
اى حاجه تخص المواضيع دى رجاء كتابتها فى هذا القسم وشكرا
_________________

لالالالالالالالالالالالالالالالالالالا

الله عليك يا نجم يااللى بتلاقى انت عموما احنا عايزين نعرف القصه كلها قصه اللى عنده 16 سنه ولقى شريكه حياته عشان نعلم اللى عندهم 10 سنين وكده يعنى
_________________

هههههههههههههههه
حلو الي انت بتقولة بس انا بقول لقيت شريكة حياتي يعني مش رحت اتجوزت لا انا فاتحت مامتها في الموضوع وهي وافقت اني اكون لبنتها وكدة بس مش معنا كدة ان انا اتجوزتها يعني
_________________
jesus my lord

تمام يعنى انت راجل خبره وهاتفيدنا فى المنتدى ده كويس قوى يلا يا عم لو ينفع تشاركنا بخبرتك دى اوكى احنا منتظريـــــــــــــــــــــــــــــــــــــــــــــــــــــــــــــن
_________________

ازيكم ....
انا حبيت اعلق بعض التعليق للشخص اللى عمرة 16 سنة ولقى شريكة حياتة:-

1- اولا هو جرب تجربتين وهو فى سن اصغر من سن ال 16 سنة ... علمياً المشاعر فى السن دة بتبقى متلخبطة يعنى التجربتين اللى جربهم اساسهم مش سليم.
2- كمان البنت اللى لقاها دلوقتى - اكيد مشاعرة تجاهة مش سليمة ولو انتظر على نفسة شوية حيلاقى المشاعر كلها اتغيرت.
3- هو فاتح مامتها فى الموضوع ومامتها وافقت انة يكون لبنتها - بس ما قالناش مامتها وافقت انة يكون لبنتها اخ او صديق او زوج المستقبل - ما اعتقدش واحنا فى القرن الواحد وعشرين فى امهات بيقبلوا لبناتهم عرسان عمرهم 16 سنة.
4- كمان هو فاتح مامتها - يا ترى فاتح اهلة او اخد راى حد اكبر منة !
5- اعتقد كمان انة هو طالب لسة - يا ترى حيخليها تستناة 5- 6 سنين لغايت ما يخلص جامعة ويشتغل ويكون نفسة - هو بكدة بيظلمها وكمان مفيش بنات الزمن دة بتستنى عريس 6 سنين.

شيرى

طيب انا غلطان اني حطيت الموضوع يا جماعة وانا اسف جداً

وليا طلب بسيط

الموضوع بتاع sherysdn لازم يتشال او هي تعدلة بنفسها اما انا مطر ان اسيب المنتدي وارحل وبجد انا هحزف الموضوع وعاوز رد بسرعة علي الكلام الي انا قلتة

_________________
jesus my lord

ايه يا عم نادر مالك فى ايه يعنى ايه تسيب المنتدى هو احنا نقدر نستغنى عنك يا باشا عموما دى وجهات نظر ومفتكرش انه احنا ممكن نزعل لمجرد اختلاف وجهات النظر بعدين اكيد لازم تعرف انه لكل قاعده شواذ شيرين قالت القاعده انت ممكن تكون حالتك من شواذ القاعده احنا هنا بنتناقش مع بعض كاخوات مش اعداء مره تانى بقولك اننا منقدرش نستغنى عنك
_________________

اوكي وشكراً علي ردك يا عم باسم بس انا اساسا غلط اني حبيت اشارك بموضوع حصل حقيقي واحبك اعرف ( شيرين ) ان كل افراد العائلتين موافقين انها برضو تكون ( زوجة ليا ) وبصي بقي يا ( شيرين ) لو انتي لسة مش لقيتي شريك حياتك انا ممكن اجبلك عريس ده بعد اذن ادارة المنتدي
_________________
jesus my lord

ومعلش هرجع اتاسف لادارة المنتدي وهرجع اقول انا عمري ما اقدر اسيب المنتدي برضو علشان موضوع تافه بس ده كلة علشان ال admin الجميل اووووي ( باااااااسم )
_________________
jesus my lord

ربنا يخليك يا نادر احنا هنا كلنا اخوات ومش عايزين نزعل من بعض وشكرا لتقديرك ليا
_________________

العفو يا admin
_________________
jesus my lord

نادر ازيك
انا متاسفة لو قلت حاجة زعلتك .... بس انا ما عرفتش انت اتضايق كدة لية .... دى كلها وجهات نظر وكل واحد حر انة يقول وجهة نظرة ذى ما قال باسم ومفيش حد يزعل من التانى ... انا رايى كدة فى الموضوع وانت من حقك تقبلة او ما تقبلهوش.

اما بالنسبة للعريس اللى ان تعايز تجبهولى (هاههاهاها) مرسى كتر خيرك .... كفاية ان انت بس تتوفق فى جوازتك.

بس انا عايزة اقولك على حاجة .... لو كل واحد اختلف معاك فى وجهات النظر حتسيبلة المكان اللى انت فية ،حتتعب جدا ... لان الدنيا فيها اختلافات كتير واحنا المفروض اننا نتقبل اللى قدامنا بصدر رحب.

ربنا معااااك

شيرى

اوكي يا شيرين وشكراً علي نصايحك
_________________
jesus my lord

صحيح يا نادر زى ما قالتلك شيرين دى مجرد اختلافات فى وجهات النظر بعدين يا عم بدل ما تشوفلها هيا عريس ما تشوفلى انا عروسه ولا اقولك انت تفتح مكتب للجواز احسن

بهزر معاك اوعى تزعل منى بقا لحسن تسيب المنتدى وتمشى بجد انا بشكركم لانكم اتصالحتوا وعديتوا لبعض لازم يا نادر نتعلم نعدى لبعض

اخوكم باسم
_________________