هل ينفع الخادم يروح سينما؟؟

ده سؤال في بالي يا شباب و حابب اعرف رايكم؟؟ هل ينفع الخادم يروح سينما؟؟؟ يا ريت بليز نشارك بعض
Rolling Eyes

طب و لو حد اصغر منه شافه في السينما ايه موقفه ؟؟ Idea

بالظبط انت مجاوب على السؤال تمام
ازيك فى الاول انا مبسوط انك ابتديت تشارك بمواضيع معانا
ومش اى مواضيع مواضيع فى الجون

بص هو الاجابة بيتوقف على الشخص نفسه
بمعنى ان الشخص لو مقتنع ان السينما والمسرح لا تليق باولاد الله يبقى طبعا ماينفعش

لكن الشخص لو كان عادى عنده التليفزيون والسينما وطبعا المهم انه مايبقاش على حساب علاقته بربنا من مواعيد الخلوة والاجتماعات والصلاة اليومية ولو فيه مذبح عائلى يبقى مش مهم يروح يروح " بس"

يا ريت يجاوب على السؤال بتاعك لو حد كبير او صغير من اللى بيخدمهم سواء فى مدارس الاحد او اى اجتماعات فرعيه هايقول عليه ايه ؟

ماهو زى مابيجى هنا بيروح اماكن تانية ولا ايه ؟

وشكرا ليك على الموضوع الجامد دة

GOD BLESS YOU
_________________

اشكرك davانتا كلامك صح... انو ممكن يرووح بس مش علي حساب علاقته بربنا و الخلوه و الاجتماعات...

طبعا اهم حاجه علاقتى مع ربنا
وكل ما الخادم او حتى الانسان العادى علاقته زادت بربنا هو مش بيبقى محتاج حاجه من الدنيا واى وقت فاضى يفضل انه يقضيه مع ربنا مش فى السينما
طيب انا لو موصلتش للدرجه دى من الايمان وبروح السينما ايه الغلط فى كده؟؟؟؟
طبعا مدام مش على حساب ربنا فأانا رأيى انه مش غلط
بس لو انا فى مدارس الاحد وشفت الخادم بتاعى فى السينما بيتهيألى نظرتى ليه هاتتغير
يمكن اشك حتى فى علاقته بربنا عموما ده رأيى واحب اعرف باقى الاراء
_________________

اعتقد دة كلمان انا داخل اشوف اية (كل الاشياء تحل لى ولكن ليس كل الاشياء توافق) ودة هايثر على علاقتى وحياتى وخدمتى معاة ومع اللى باخدم وسطهم وممكن اكون مثل وقدوة 0
_________________
jesus my lord

اولا مرحبا بيك نورتنا Andrew
وبجد موضوع مهم جدا اتمنى اقدر اوصلك فكرتى وبجد انا سعيد انك ابتديت تشاركنا

هبداء من الايه الجميلة الى بعشقها ((كل الاشياء تحل لى ولكن ليس كل الاشياء توافق)) بمعنى ان السينما مش عيب من وجهة نظرمعظم الناس لكن تعالو نفكر ان معظم الولاد الصغيرين لما يحبو يزوغو من المدرسة بيرحو السينما مثلا مش دايما بس معظم الاحيان فتكون فكرة عند الاولاد من وهما صغيرين ان زمايلهم الوحشين لما يزوغو من المدرسة بيرحو السينما كانها حاجة وحشة فاكيد لو انا خادم لازم ابعد عن مصدر العسرات لانى ممكن اعسر مخدومى ((ان كان اللحم يعسر اخى فلن اكل لحم الى الابد )

وانا ليا اختبار مع خادم كبير علمهونى لانه حصل معاه شخصيل فى موضوع السينما دى
ربنا ينيح نفسه
قالى :: يوم من الايام على ايام زمان هو كان خادم ليه وزنه المهم كانو بيعرضو فيلم المسيح لازل مرة فى السينما وده كان حدث غريب جدا بالنسبة ليهم فى ايامهم مكنش ممكن يتعرض فيلم مسيحى فى السينما المهم الفيلم كان عامل ضجة كبيرة فقرر يحضره وهو واقف على شباك تزاكر بتاع الفيلم ده لقى واحد من المخدومين بيقوله يا يا استاذ (يا بصون) هو انت كمان بتروح السينما
هو طبعا اتكسف ومقدرش يفهم الولد لانه الولد سابه ومشى فبكى وحزرنى انى اكون مهما حصل مصدر عسرة طفل باى شكل من الاشكال او عثرة لمخدومى ابدا
اسف طولت عليكو مانتو عارفين انا شادى الرغاى

انا رايي ان الخادم .. طالما نال شرف خدمه الرب يسوع ... يبقي لازم يكون فيه صفات الرب يسوع ..... اعرف ازاي ان الشئ ده غلط او صح باني اقول لنفسي لو المسيح مكاني كان عمل كده ولا لا .
وكمان الخادم لازم يكون قدوه لناس كتير ... فلو في اي شئ ممكن يعثر اي حد المفروض مش يعمله .
ممكن حد يقول وهي السنيما غلط في ايه ؟؟؟؟
كلمه الله بتقول : كل الاشياء تحل لي ولكن لا يتسلط علي شئ .
لو رحت السنما مره هلاقي نفسي بتجر مره بعد مره لغايه ما تتسلط علي َ
_________________
jesus my lord