مصيبــــــــــــــه ولا نزوه وعدت

كنت جالسه امبارح لوحدى فى البيت

و كنت سرحانه و بفكر فى الحب و العلاقات

بين الشباب و الشابات

و جال بفكرى موقف غريب

وهو

أنت أو انتى مرتبطين فى قصة حب كبيرة

المهم

سافر الشاب أو الفتاة للمصيف

حبيبكم يعنى

لكى يصيف

و نحن نعرف ما يوجد فى المصايف من هيصة و الذى منو

و تعرُف الشاب (حبيبك) على فتاة
أو تعرُفت الفتاة (حبيبتك) على شاب

و قضوا أيام جميلة جداً و سهروا مع بعض

و عملوا كل اللى نفسهم يعملوه

يالاه ماهو مصيف بئة و بعدين كل واحد هيروح فى حالو

المهم

رجع الحبيب من المصيف
و عادى يعنى
نسى كل حاجة حصلت

بس

عذاب الضمير هيقتلو
لازم يصارح حبيبو باللى حصل

بس ازاى؟؟؟

المهم جيه حبيبك و صارحك باللى حصل

و قالك دى نزوه و دى حكاية وعدت

و اكيد حبنا مش هيموت عشان نزوه و خلاص

هـــــــــــــــــــــــــــــــــــــــــــــــــ ـــــا

لو انت سمعت الكلام ده من حبيبك

ايه هيكون رد فعلك؟؟؟؟؟

و هتتصرف ازاى؟؟؟؟؟

هتعدى الموضوع ولا...................؟؟؟؟

أحب اسمع ارائكم...
_________________

موضوع جميل يا كاتى
بس مدام انتى شغاله تكررى كلمه حبيبك او حبيبتك كتير
معنى كده انك بتتكلمى عن ناس بيحبوا بعض
لو انا الموقف ده حصل معايا يمكن اعدى الموضوع عادى مدام واثق فى حب
اللى قدامى بس برضه ممكن اتكلم معاها
فى انها سمحت لواحد غريب انه يتمادى
معاها فى العلاقه للدرجادى
سهر وكده يعنى بس مظنش انى ممكن
انهى علاقه عشان سبب تافه زى ده
_________________

موضوع حلو يا كاتى
انا متهيألى انى لو بحب حد بجد يبقى لازم اسامحه واغفرله
بس كمان لازم ابقى متأكده انه بيحبنى بجد
ولو اتأكدت من كده يبقى اكيد هاسامح بالذات انه جه اعترفلى
بس اكيد هاسألأه عمل كده ليه وايه الدافع ورا كده
مش جايز ابقى انا مقصره معاه .......
ومتهيألى ان المحبه لالالالالالالالالالازم تستر كثره من الخطايا
وصعب جدا انى اسيب حبيبى عشان غلطه زى كده
_________________
jesus my lord

يمكن رئيكم ده صح بس انا ليا رئى لما فى حب بنا ليه انا ممكن عنيا تشوف غير اللى فى قلبى المفروض انى اللى بحبوا ده هو اللى مالى عنيا وقلبى
_________________

انا راىء من راى كاتى ان الحب يكون لشخص مميز لية مكانة خاصة ولكن الاعتراف يدل على احساس بالخطىء وعدم الرجوع موضوع حلو اوى ياكاتى ربنا يباركك
_________________
jesus my lord

أنا بحس يا جماعة أن احنا لازم منتطرقش مع حد غير لما نكون واثقين انة الموضوع دة هيعدى على خير ذى الجواز مثلاً لان فى بعض الشباب بيبقوى واهمين بعض بالحب وبعد ميعيشو لحظات سعيدة وكل واحد ينول مرادة خلاص كل واحد يروح على حالة وبتبقى صدمة كبيرة للموهوم سواء الشاب او الشابة
_________________
jesus my lord

اكيد طبعا مش لازم افضح حبيبى يا كوكو او حتى ادخل حد فى الموضوع ده
لكن يا كاتى مش شرط انه اتكلم مع غيرى او غلط وغوط معاها شويه يبقى هو مش بيحبنى او انا مش ماليه عينه
لكن ممكن ابقى انا اللى مقصره معاه او زى ما احنا البنات اوقات بنقول :اتقل عليه
اوقات لما افكر اتقل عليه ومابقاش باظهرله كل الحب اللى هو محتاجه ممكن يبص لبره
بس زى ما قالت توتا ان اعترافه بيدل انه حس بخطأه وكمان انا ممكن مأحسش باللى عمله ومعرفش عنه اى حاجه لو هو مقالليش لكن طول ما هو اللى جه اعترفلى يبقى اكيد هاسامحه
_________________
jesus my lord