الفرق بين الحب والاحتياج للحب

الفرق بين الحب والاحتياج
فى
بعض علاقات الحب نلاقى نفسنا جينا عند النص ووقفنا مش قادرين نكمل وزهقنا
وخلاص بنتلكك لبعض وده بيرجعله اسباب كتير اوى بس انا النهاردة جبت الحاجة
الغامضة شوية وهى الاحتياج للحب نشوف الفرق الاول

الفرق بين الحب والاحتياج للحب

الحب

شعور جميل بيتولد بين شخصين من غير اتفاق مشاعر بتطلع بالتبادل بتاخد وبتدى ومن غير ما تحسب انت اديت ايه واخدت ايه

القلب
فيه مضخة بتضخ الحب لجميع اجزاء الجسم مع الدم عقلك بيفكر فيه /عينك دايما
عليه/ شفايفك دايما تنطق باسمه/ رجليك دايما تروح للمكان اللى هو فيه

مشاعر جميلة بتطلع من غير قصد ومن غير ما تتحسب ومن غير حتى ما تصرحله انك بتحبه

مشاعر رقيقة لعلاقة بريئة بعيدة عن المصالح والمجاملة والروتين

الحاجة الوحيدة اللى تحس فيها انك على طبيعتك وبحريتك وبتعيش اسعد لحظات حياتك

الاحتياج للحب:

شعور بيحسه الانسان الوحيد ويمكن يكون عايش مع ناس بس مش حاسين بيه او مش حواليه

بيحس انه محتاج لقلب يشاركه همومه والامه ووحدته اوقات فرحه يديله حنان وحب وعطاء ولكن ............ ..واه من قسوتها لكن

ربما
بعد ما ياخد ويحس بكل اللى كان فاقده ميبقاش محتاج للقلب ده فى اى شئ ودى
مش خيانة او جحود دى غلطة ابتدت من الاول الطرفين ملهمش ذنب فيها

هو حس باحتياج لحب وحنان ولقاه ف انسان من غير ما يتاكد اذا كان بيحبه ذاته او لا

كتير
مننا بيغلط اوى وبيخلط الامور ببعضها ومش بيتاكد من مشاعره ويندفع لدخول
فى تجربة وهو مش مدرك انى دى مسؤلية كبيرة اوى مش مجرد كلمتين حب وخلاص

ومن هنا جه الفرق بين الحب والاحتياج للحب

كتير مننا بيحس ان بابا وماما واخواتى مش سئالين فينا

اصحابى كل اللى طالع عليهم الهزار مش بيتكلموا جد ابدا كل اما احكى لحد على حاجة يتريق ويهرج

طيب هو ده معناه انك تربط نفسك بعلاقة انت مش واثق من مشاعرك فيها

يا سيدى عارفين انك قرفان من الدنيا وعاوز حد تحط راسك على كتفه(معنويا فقط )وتشكيله همومك

بس مش كدا

يا اخى ......... يا اختى

اوعى تورط او تورطى نفسك فى حاجة انتى مش قدها اتاكد من نفسك الاول قبل ما تربط حياة شخص بيك

محتاج لحب دور فيه على اللى حواليك اكيد فى ناس بتسال عليك جرب تحكى لحد بلاش اصحابك

اهلك حتى

عجبتنى جدا اغنية بتاعة مسلسل بتقول (ولاحد يشيل عنك همك الا اللى دمه من دمك)

دور على الحب فى اخواتك فى مامتك فى باباك اكيد لاو انت حتى بدات هما كان هيبادولك نفس الشعور

اسال على الناس هيسالوا عليك

ومتقربش لعلاقة حب الا لو ............ .

كنت واثق ومتاكد من مشاعرك

حلو قووووووى الموضوع يا هونا

ربنا يبارك حياتك وينميها

فعلا احنا كتير بنخلط فى التفكير بين الحب والاحتياج الى الحب

ميرسى ليكى انك وضحتيهم لاننا فعلا كنا محتاجين لده

ميرسى وربنا معاااااااااااااااكى
_________________
My lovely 3asoltyyyyy

ايه الحلاوة ديه يا هونا

ايه الكلام الجامد ده

ربنا يباركك

بس بلاش اغانى مسلسلات كتير

_________________

بجد ربنا يباركك موضوع اكثر من رائع

rabna ebarkak ea hona

modoo3 7alw awee

w wada6tee btaree2a7alwa

akeed al2nasanlazam ekoon wasa2 mn masha3roo 2abl ma e2oolhom

7alo alta3beer da :
شعور جميل بيتولد بين شخصين من غير اتفاق مشاعر بتطلع بالتبادل بتاخد وبتدى ومن غير ما تحسب انت اديت ايه واخدت ايه
shokranleeke w anshalla maoode3 7alwa kaman w akman

انا مبسوط جدا ان اول مشاركاتى هتبقا فى الموضوع دة

فعلا موضوع جميل ربنا يباركك

انا فتاة متعلمة تعليم عالى حدث لى انة تقدم لى شاب ولكن بسبب النت ورسايل الموبيل لم يتم الخطوبة
عايزة اقوالكم انى كرهت الكمبيوتر بسببة
انا حيرانة وتعبانة عايز يرجعلى حد يقولى اعمل اة
انا اتعلقت بية
من فضلكم صلوا من اجلى