مشكله مطروحه للمناقشه

وصلتني مشكله من احدي الشباب عايزه اشاركم ومستنيه الردود عليها صاحب المشكله بيقول :
مشكلتي حب الاستطلاع علي اخبار الاخرين ، لو سمعت طرف حديث تجدني اسئل كثيرا عن الموضوع المطروق بهدف معرفتي لمعلومات اكثر عنه ، ربما تتعجب من ان هذا الموضوع لا يهمني بالمره ، احيانا اشعر من نظره الاخرين لي او اسلوب ردهم انني متطفله .... هل من علاج ؟؟

يلا ياشباب مستنيه رايكم للمشكله . ربنا يباركم
_________________
jesus my lord

طبعا ده موضوع صعب والمشكلة هنا انه بتبقى عادة وطبع اللى بيقع فيها مابيقدرش يسيبها بسهولة لكن الحل انه او انها تصلى كويس طبعا وتطلب من ربنا القدرة انها تخلص من العادة ديه

مش كدة بس لكن لازم تبتدى تدرب نفسها يعنى تحاول تقاوم بنفسها يعنى تسمع حوار وماتدخلش فيه بدل انه لا يعنيها ومع صلاتها هاتنجح ان شاء الله

او ممكن اول ماتحس انها او انه هايبتدى يضعف ويسال ممكن تروح مكان تانى او تفتح موضوع تانى تقدر تتكلم فيه
_________________

انا عارف انها مشكلة صعبة بس مفيش مشكلة من غير حل ياعنى اهم حاجة الصلاة والتقرب من ربنا وده امر مفروغ منه لانه اساس حل كل المشاكل

بس لصاحب المشكلة فكر لثوانى كل ميجى الفضول يقتلك اسال نفسك انا هستفاد ايه ويترى هعرف ايه هعرف معلومة جديدة
هعرف اخبرهم واخبرهم هتخصينى فى ايه وهستفيد ايه
طيب لما الناس تعرف انى فضولى هيكون رد فعلهم ايه
وشكلى هيبقى ايه طيب انا لو مسكت نفسى واهملت الموضوع هخسر اكيد لا
طب لو اهملت الموضوع مش هحس براحة احسن انى مش بعمل حاجة غلط
طب يترى العزاب الى انا فيه من احساسى بانى فضولى مش هتخلص منه
ناقش نفسك فى الموضوع وقلى لوز وصلت لحل وانا موجود لو صاحب المشكلة عاوز نظرة اشمل للمشكلة دى

دى مشكلة عند ناس كتيرررر اعتقد الحل هو انى اصلى للرب واحاول انسى واشغل نفسى بموضوع يهمنى ويفدنى انا اكتر واضع نفسى مكان الشخص التانى واشوف دة ازاى بيضايقنى واحب يكون ليا خصوصيات 0 ربنا يباركك
_________________
jesus my lord

ارائكم فعلا اكثر من رائعه .... بس انا عندي سؤال ؟؟؟ ...في الحاله اللي قدمنا دي متهيئلي ان الفضول عندها زياده شويه .. فهل تفتكروا ان دا فضول مرضي محتاج علاج نفسي مثلا .. ولا العلاج الروحي يكفي لهذه المشكله ؟؟؟؟؟؟ ............. مستنيه ردكم
_________________
jesus my lord

يا نونا انا راى الحل الروحى لازم جنبه حل مادى وهو انك مبدايا تخليها تجرب مجموعة الاسئلة\
الى انا قولتلك عليها ودى انا جبتها من كتاب جربيها
وقلى ايه النتايج وانا مستعد اتابع الموضوع معاكى
الفضول درجات بس زى مقلتلك مفيش مشكلة ملهاش حل

رائيكم رائع بجد ... انا هوصل الراي ده وياريت صاحب المشكله يستفاد بجد
وبشكركم جدا لاهتمامكم وردكم ... واكيد هنحتاج مساعدتك braveheartshady
الرب يبارك حياتكم

_________________
jesus my lord

انا تحت امرك يا نونا وتحت امر صاحب المشكلة وانا مش هبخل باى معلومة واوعدك انى هعمل الى اقدر عليه علشان نقدر كلنا نساعد الى عندو المشكلة دى
بس فى حاجة مهمة جدا لازم قبل اى حاجة لازم يكون هو عنده استعداد للتغير فعلا

وانا بطلب بجد ان اى حد عندو مشكلة يشاركنا بيها فى المنتدى واحنا نحاول نعمل الى نقدر عليه

ميرسي اوووي ليك ... وعلي فكره انا بجد بيوصلني وبقابل مشاكل كتيره جدا لشباب وشابات وهحاول اشاركم بيها بس يارب متزهقوش ... ونحاول نساعدهم مع بعض
ربنا يباركم
_________________
jesus my lord