ازاي تبقي رومانسي

ازاى تبقى رومانسى

ازاى تبقى رومانسى"

1_ لما تكون شريكة حياتك مسافره كده او رايحه مشوار بعيد شويه تقولها وانت بتسبل بعينك كده
حبيبتى انا قلقان عليكى من المشوار ده وعلشان كده انا جيبتلك بودى جارد يحرسك
وتبتسم ابتسامه حلوه كده وتطلعلها دبدوب صغير كده من ابو 15 او 20 جنيه

2_فى اى مناسبه عاطفيه كده عيد الحب مثلا اشترى كام ورده حمرا بس تكون حقيقيه يعنى 10 او 20 كده وهات واحده بلاستيك وحطها فى النص وكارت صغير من المكتبه اللى على اول شارعكو واكتب
هافضل احبك لحد اخر ورده ما تدبل

3_طبعا اكتر الطرق لاسعاد حبيبتك لو بتشتغل ابعتلها فى مقر شغلها باقة ورد كده جميله وكلمتين حلوين برضه فى كارت اكيد طبعا فى الشغل بقى زمايلها هيقولوا شوفتوا الحب يا ولاد
وتعليقات حلوه كده هتخليها تحبك اكتر

4_لو حبيبتك عندها قط صغير كده بتحبه وكل ما تيجى تقولها كلمتين حب تقولك اسكت ده القط بتاعى عمل كذا النهارده يبقى انت فى عيد ميلادها وانت جايبلها هديه هات للقط الغلبان ده هديه كمان

5_طبعا معظم البنات مش بيعرفو يطبخوا.....
يعنى احتمال كبير مراتك تكون زى الفل فى الطبيخ وتقضوها تيك اواى
المهم فى مره وانت بتطلب بيتزا مثلا اطلب منهم يقطعوها على شكل قلب

6_يعنى لو مراتك تعبت فى البيت كده دور برد خفيف بس همه بيحبو يتدلعو
خدلك انت اجازه من الشغل وخليك جنبها واعملها شوربه (لو بتعرف) وشغلها
فيلم رومانسى كده وطبعا متنساش شويه عصير ليمون او برتقال

7_ فى حركه عجبانى بقى
طبعا فى ويوم اجازه كده هاتلك شويه بالونات من اللى بيطيروا لوحدهم دول (فيهم غاز الهيليوم) واربطهم فى شنطة العربيه من جوه طبعا واطلع انت ومراتك رحله رومانسيه كد يعنى شوفلك مكان رومانسى هادى كده وانزلو من العربيه واعمل نفسك مشغول فى اى حاجه واديلها مفتاح الشنطه بتاع العربيه قولها هاتى اى حاجه بقى الجاكيت بتاعك ولا اى حاجه طبعا هيه اول ما هتفتح البالونات هتطلع على طول وياسلام لو كنت رابط كارت كبير شويه كده مكتوب عليه بحبك ولا اى حاجه حلوه منك كده

8_عارف ياسلام عليك لو فى يوم كده صحيت انت بدرى وحضرت الفطار وجبتهولها فى السرير
ياسلام عليك تبقى فنان

4 5 6 8
r unbilavable

bas

thanks alot rona

and god bless youuuuuuuuuuuuuuuuuu

_________________

هههههههههههههههههههه
معنديش تعليق اظرف من كده
يعنى بتقولى طلباتك اللى هيه طلبات كل البنات وبتقولى ازاى تبقى رومانسى
حرام عليكم تعبتونا معاكم بجد الواحد مش عارف يلاقيها من الحر ولا من غلو الأسعار ولا من اسعار الدهب الا واسعار الدهب دى يا عم سيبك بلا رومانسيه بلا زفت لما نلاقى فلوس نجيبلكوا دهب بيها بعد كده نبقى رومانسيين صدقينى انا صعبان عليا اللى فى سنكوا واللى اصغر منكم الدنيا هتبقى ازاى بعد كده ربنا يستر عليكوا
على فكره انا رومانسى اوى بس الدنيا وحشه اوى يا بنتى
ربنا يباركك الموضوع جميل وشيق