مشكله للمناقشه

مشكله بيتعرض ليها شباب كتير انا عن نفسى ليا مواقف كتير مع المشكله دى نفسى نناقشها وهيا مشكله الظلم لو انت كشاب او شابه اتعرضت للظلم هايكون ايه رد فعلك وايه عملك لو ليك مواقف فى الموضوع ده نحب نعرفها

basem
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

دة كتير بيحصل الايام دية بس سعات بنبقى مش عملين اللى علينا ونقول ظلم بس فى اوقات فعلا بنحس بالظلم فى حياتنا ومتنساش ان الرب يسوع نفسة ظلموة وان رد فعلى هايكون انى اروح للى ظلمونى واطلب حقى وافهم منهم لية الظلم دة واصلى ان الرب يدينى حكمة ومغفرة واظهار حب المسيح شكراااااااااااا يا باسم على السؤال المهم دة ربنا يباركك

شكرا على ردك توتا ومستنى ردود باقى الاعضاء
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

لما باتظلم باروح للى ظلمونى وبحاول اخد حقى
بس بتبقى مشكله كبيره لما مقدرش اخد حقى وقتها بحس انى ضعيفه قوى
بس وقتها برضه بحس انى لازم اصلى واغفر للى ظلمونى
وطبعا زى ما قالت توتا اوقات مش ببقى عامله اللى عليا واقول ده ظلم وغضب جدا ووقتها بحس انه لازم حد يجى يفوقنى ويقولى انى معملتش اللى عليا
سؤال جميل يا باسم
ربنا يباركك

شكرا فيولا على ردك ربنا يباركك
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

لا شكر على واجب يا باشا
بس احنا عايزين نعرف رأيك انت كمان فى الموضوع ده
_________________
jesus my lord

اه رأيى انتى شكلك ناويه توقعينى
طيب انا هارد بس مش دلوقتى ممكن ارد بكره
ده بعد اذنكم طبعا
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

موضوع الظلم دة بيحصل كتير ... ممكن يحصل فى الشغل وفى البيت وفى المدرسة ... بس بتهيالى حكاية ان الواحد يروح ياخد حقة من اللى ظلمة دى مش حلو عشان ذى ما قالت الاخت انها مش بتقدر تاخد حقها وبتحس انها ضعيفة فالافضل اننا نصلى ونسيب ربنا يتصرف والاية بتقول "لى النقمة انا اجازى يقول الرب" كمان حتى لو احنا اتظلمنا ربنا قادر ان يحول الظلم دة لخيرنا لان ربنا هو اللى بيسمح بالظلم دة ولان ربنا دايما بيعمل اللى فى مصلحة الانسان وسعات الناس بتبقى حساسة ذيادة عن اللزوم .... يعنى يكون الموقف مش ظلم ولا حاجة وهما يحسوا انهم اتظلموا ويقوموا الدنيا مع ان شخص تانى يتقبل الموقف ويعدية.
انا عن نفسى لما بحس انى اتظلمت - بصراحة ما بتهنش عليا نفسى وبقعد ابكى بس بقولة يا رب انت شايف وعارف كل حاجة وانت اللى قادر تتصرف.
ربنا يقويكم
شيرين
_________________
jesus my lord

ياما اناس مظلومين بس حتى ارتاح القي نظرة على اللي انظلم قبلي هو الرب الي اتحمل علشاني الظلم حتى اكثر العار والخزي والضرب كلو لكي التجئ اليه هل اسرععععععععععععععععععععع الية
_________________
jesus my lord

شكرا ميمى على ردك الجميل
وميرسى على المرور
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

ماشي انا ممكن اقولك بس قولنا انت قصدقك علي اي نوع من انواع الظلم !!!!!!!!!!!!!!!!!!!!!!!!!!!!
_________________
jesus my lord

انا شايف اننا لو فكرنا فى موضوع الظلم والحق ده هنلاقى نفسنا غلطانين لاننا احنا مالناش حاجة على الارض هنا لينا علشان نتظلم فيها واى حاجة من حقك (ده ان طبعا جاز التعبير) هاتكون من عند ربنا وهو اللى سمح بيها سواء تاخدها او لا علشان كدة المفروض اننا نرضى دايما بالحاجة اللى ناخدها ومانبصش للحاجة اللى ربنا مش عايز يديهالنا لان حكمته ومعرفته اوسع من تفكير اى بشر مهما ان كان وربنا يبارككم وارجو ان اكون عرفت اوصل المعلومة او وجهة النظر ديه

جميل قوى ردك يا ديفيد
حقيقى وجهه نظر جامده
بس هل معنى كده انك تستحمل كل الظلم عشان انت ملكش حاجه على الارض ؟؟؟؟؟؟؟؟؟؟؟؟؟؟
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

جميل طبعا ردك يا ديفيد
بس متهيألى انه مش كله واقعى
او بمعنى تانى مفيش حد بيمشى بالمبدأ ده
بص انا هاديلك مثال مع انى عارفه انك كبير عليه شويه بس هو ده اللى فى بالى
لو انت فى ثانويه عامه وذاكرت كويس طول السنه وحليت كمان فى الامتحان كويس جدا
وبعدين لقيت درجتك وحشه جدا ورحت عشان تصحح ورقك ولقيت ان فى اكتر من سؤال انت حاللهم صح وهما عاملينلك عليه غلللللللللط
ومش هينفع يصححهولك تانى
هتضايق وهتحس بالظلم ولا لا .......
متهيألى ده احساس طبيعى ان الواحد يبقى بيحس بالظلم
_________________
jesus my lord

انا احب اشاركك بحاجة EXCLUSIVE للمنتدى هنا انا فعلا حصل معايا كدة مش مرة لكن مرتين فى ثانوية عامة وفرقت معايا هندسة على الاقل من الدرجات اللى كنت المفروض اخدها فى الفيزياء وربنا دبر ودخلت هندسة برده خاص وفى الجامعة عاملها معايا دكتور وبدل مايدينى حقى وكان ساعتها 15 درجة شيلنى المادة وضيع على مرتبة الشرف لكن تعالى معايا اقولك انا مكنتش لسه اتعلمت الدرس وحاولت بكل الطرق عارفة كانت هاتبقى ايه نهايتها كان بدل المادة هاشيل 3 واحتمال كان هايتعملى محضر تزوير(او اتعمل بالفعل) واترفد من الجامعة وكمان كان ممكن يبقى فيه سجن اه بجد ده حصل معايا لكن فى الوقت ده لما سلمت للرب كل حاجة واتكلت عليه بجد مش كلام شعارات وفض مجالس اتمجد وطلعنى من المشكلة بس شيلت المادة برضه وانا ليه ايه اذا كان جسدى نفسه واخده سلف منه وحياتى وكالة هادى تقرير عنها يبقى انا ليه ايه بقى ازعل عليه ؟
ياريت تنقشونى فى الموضوع ده لو عندك اعتراضات لانه بجد موضوع حيوى وصعب جدا جداجدا جدا لبعد بكرة الضهر انه يتعاش بس لذيذ لذيذ للسنة اللى جايه لو اتعاش بجد وربنا يبارككم

على فكرة الدكتور اياه مكنش مصحح الورقة بتاعتى كلها كان فيها سؤال كامل لا فيه صح ولا غلط وديه تغيظ اكتر لما مايرضاش يديلك حقك
لكن الرسول بولس بيقول انا لست احتسب لشئ ...... ولا نفسى ثمينة عندى
والكتاب بيقول اننا عايشين فى خيمة يعنى مالناش حاجة فيها والخيمة ديه اللى هى الجسد تخيلوا حتى جسدك مش ملكك وهاتدى عليه حساب لانه وكالة من ضمن الحاجات اللى ربنا اديهالك
انا عارف ان الموضوع صعب بس لذيذ لما يتنفذ ومتهايالى ارور لما قالت القصة الجميلة عن المدينة العظيمة اللى اهلها خربوها ورجعولها تانى متهايالى فيها معنى يمشى معانا هنا وشكرا ليكم

GOD BLESS YOU