مصطلحات خمس نجوم

يبدأ يوم الشباب عندما تتجمع (( العصابة )) يعنى

الشلة كل (( مورنينج )) عند (( ناصية الرمش )) وهى

عبارة عن مكان تتوافد إلية مجموعة من بنات النادى أو

الجامعة معظمهم بنات (( إستبن )) يعنى غير أصحابهم

الآساسيين وكل بنت لها المصطلح الخاص بها

يعنى لو البنت حلوه يطلق عليها (( أوكشة )) (( فى

الزيف )) يعنى فى الجون ولو لابسة جزمة كعب عالى

(( ألآستوك بيتوك )) أو حتة (( شامبو )) يعنى ريحتها

حلوة ومستحمية

ولو البنت صغيرة يطلق عليها (( أووزى )) ولو كانت

البنت الاجمل فى الشلة يطلق عليها (( النتفة )) أما لو

كانت قبيحة الشكل تبقى(( صندل مقطوع أو ضاربها

طبنجة )) ولو البنت تخينة تكون (( اتوبيس )) ولو كانت

غير متناسقة القوام او الملامح تسمى (( سلعووه ))

ولو كانت لعوباً يطلق عليها (( هشكة )) ولو كانت

مرتبطة تبقى (( أوفسايد )) أو (( متشفرة)) والكارت

بتاعها مع فلان

ولو كانــت البنت سمـراء البشرة تسمى (( ضالمة من

قارة افريقيا )) أو (( مزرقة )) ولو كانت بنت من مكان

شعبى تسمــى (( بيئة ))....

وعندما ترفض البنت المعاكسة تقول لمن يعاكسها ( يا

خفة .. اية التهزير دة ... روح لمامتك يا بيبى ))

وممكن الحكاية تكون فى السليم وتقلب صحوبية وتقول

للولد (( خلينا فى الفيوتشر )) ...

ولو الولد زهق (( اتخنق )) من البنت أو العكس يقولها ((

سمعينى بودعك )) أو (( حديها الدبلة )) ....

وعندما تريد البنت معرفة رأى أصحابها فى (( البوى

فريند )) بتاعها تعطية ميعاداً وتطلب من صديقاتها رأيهم

بدون أن يعرف (( الموكوس )) الغلبان .... خدوا بالكم يا

شباب من المصطلحات اللى جاية دية للأهمية القصوى

عندما تقول لها صديقتها انك (( تاكسى )) يعنى انت

لافف وداير وبتاع بنات .. ولو قالت (( سكامونى )) يعنى

جميل و أمور ...(( ملسكوبيتش )) يعنى بخيل ...

(( تس تس )) يعنى رزل وممل ... (( شامورتى ))

يعنى خنييق ..(( توت فروت )) مظهرجى ... ((

خفشاوى )) غير واضح وهايف ... (( شنيش )) يعنى

لامؤخذة هفأ ..

ولو الولد تعبان فى المذاكرة يعنى (( جايب جازوالشراب

هوى ومتخرتق

وأكثر مصطلحات متداولة هذة الايام!!!!

(( العب باشكا )) يعنى العب على المكشوف

(( حطيت إيدى على البلف )) يعنى فهمت الموضوع

(( أدعك الفانوس دلوقتى )) يعنى ممكن تمشى وترحل

(( أرحلك )) أخرجك من الشلة

(( الجوند )) فلوس

(( مكيش القفف )) معاه فلوس كتير

(( يا صباح المظلات )) للمتقدمين للكليات العسكرية

(( فهمـى )) يعنى نفض وكبر الجمجمة

(( أحلق )) طنش

(( انت حتزاولنى )) انت حتشتغلنى

(( مهييس )) عامل دماغ وطاير قووى

(( يا صباح اللى بتغنى )) صباح الخير

(( يا مساء الليل )) يعنى يا مساء الخير

(( فوكك )) سيبك من الموضوع دة

(( أراك أمس )) يعنى مش عايز اشوفك تانى

(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100

(( كل معرفتى بيه .. هاى باى )) يعنى مش صاحبى قوى

(( شوليطى . موليطى )) يعنى مش معايا فلووس .. مفلس

اشطه بقى لحد كده .. و اى خدعه
_________________

انا اتاخدت اونطه فى الموضوع ده
قعدت مبلم ومش فاهم اى حاجه
عموما شكرا والواحد لازم يحفظ المصطلحات دى
وشكلى هابقى شنيش

شكرا ليكى يا كاتى ووحشتنا مواضيعك الجامده
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

هههههههههههههه
مصطلحات مفتكسة جدا
انا بصراحة ماشفتش زى كدة قبل كدة
شكرا ليكي يا كاتي
_________________

هو مين بتاع مين؟؟؟ انا مش فاهمة حاجة

_________________

بـــــس كــــــــدا

هههههههههههههههه
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

هههههههههه شوية كلام عجيب موووووت بصراحة ههههههه بس مرسى اوى علشان نفهم
_________________
jesus my lord

طب ايه ده كنا بنسمع الاكس فى التاكس والسنجة فى الرنجة ايه يا كاتى مش فاهم
نتى بتعرفى الحجات دى منين يا خوفى منك بس على العموم العلم بالشئ ولا الجهل بيه

انتى بتتفرجى على افلام كتير ولا ايه يا بنتى ايه الروشنة دىىىىىىىىىىىىىىىى

هههههههههههههههههههه
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

هو واضح كدة ان اغلب الشباب (حط ايده على البلف) كويس ومش هايروح مواعيد (يتوكس) فيها ومجالس رئاسة الشلل والعصابات هاتنتهى لما تعرف شوية التعبيرات بتاعت البنات على الولاد دول بس بالمناسبة بدل انتى فتحتى القاموس طلعيلى معنى لفرخ وقفش وفى تانى بس دول دلوقتى Smile