سين و جيم مع نفسى

سين و جيم مع نفسى و اللى بيسال انا و اللى بيجاوب برضه انا
سين و جيم و بكل صراحة و وضوح مع نفسى هنا
فى عرش نعمتك و بنور كلمتك بأسال انا
و اجاوب بكل صراحة على اللى مخزون جوايا هنا..........
فى قلب مليان باسئلة مش كل اجابتها عندى انا
يلا يانفسى ابتدى و اسألى يمكن نوصل لإ جابة انت و انا.........

س1- أنت مين؟؟
انا حد باضحك و بابكى. باتكلم و باسكت. بازعل و بافرح. باغلط و باتعلم. باتضايق و بنجرح وساعات باضايق و بجرح. بافتكر و بانسى و بفكر وساعات مابفكرش.باختار و ساعات مابختارش. بقبل و بارفض. بقاوم و بتقاوم .. بتألم و بسلم و بستسلم. بنجح و بفشل.
انا حد بحب و ما بحبش بتحب و ما بتحبش. بخاف و بطمن. بدور و بالاقى و ساعات ادور و مالاقيش. باهتم و مابهتمش. باتنكر و باتخفى و بظهر بحقيقتى. بصاحب و باتصاحب... و بقابل و بودع و انا دلوقتى عايش و فى اى وقت هاودع.... يبقى انا كل ده فى حد واحد.. انا كل دول بس انا واحد... يعنى انا .. انســـــــــان

س2- محتاج لإيه؟؟
محتاج لحب محتاج لحنان . محتاج حد يقبلنى بكل اللى هيكون و كل اللى كان لانى ....انسان
محتاج حد يحبنى من غير شروط و قوانين محتاج قلب يضمنى و ينسينى الانين. محتاج احس بالامان و العطف . محتاج اودع الاحزان و اعدى الصعب. محتاج حد يملا القلب بس... مش فلان او علان لانهم فى الاول و فى الاخر حد زيى 000 انسان
انا محتاج حد مختلف عنى. حد يكون اقوى منى علشان من ضعفى يرفعنى و
اقدر منى علشان من الصعب يطلعنى و كمان يكون بيحبنى من غير حدود من غير شروط علشان فى كل وقت يقبلنى.. و لازم و اكيد يكون قدوس بلا خطية علشان من خطيتى و قيودى يحررنى ..
يبقى انا محتاج لاله 00 ايوة محتاج لاله يقدر يعمل كل ده لى و فى و بى. بس المشكلة انى كمان محتاج انسان يقدر يحس بالامى البشرية.. يكون مر بكل اللى انا مريت بيه.. يعرف يقدر يعنى ايه الام انسانية لكن.. ازاى انسان بلا خطية ؟؟ بلا موت؟؟ بلا طبيعة ساقطة بشرية؟؟
س3- طب ايه الحل؟؟
الحل... الحل كان فى ملء الزمان لما اتولد من القديسة العذراء مريم يسوع الانسان المولود بلا خطية ماهو الاله هو ابن الله و رضى ينزل لارضنا كانسان علشان بيحب الانسان.. علشان يجول يصنع خير للانسان.. و يشفى الانسان و يهزم ليه الشيطان و الشر و الاحزان.... و اتألم زينا و اتألم قبلنا.. بيحبنا.. و عاش حياتنا و داق انسانيتنا.. بيحبنا.. لكنه كان الوحيد اللى ما عرفش خطيتنا.. القدوس ابن الله .. بيحبنا.
و جه الوقت الرهيب وقت الصليب و صار البار جانى و صارالقدوس خطية لاجلنا و حمل عقابى و نجانى و ادانى الحرية و لما فى قلبى قبلته ملانى بالحياة.... ادانى الحياة.
يبقى انا عرفت اجابات الاسئلة
انا حد غالى قوى على قلب ربنا انا ابنه اسمى منقوش على كفه
واللى انا محتاجه انى اعيش حياتى لشخصه و يعيش شخصه فى حياتى
و الحل كان من قبل الازمان فى صليب يسوع ابن الانسان.

برافو برافو برافو

موضوع رائع مانا وفعلا كلام جميل وشديد

شكرا ليكى وربنا يباركك

_________________
كقط مستكين
ماتت مخالبة وعزته***وهدته السنين
انا لن اكون تاكدى ***القط الذى تتصورين
قطا من الخشب المجوف ***لا يحركه الحنين

شكرا مانا على الموضوع الجميل ده

فعلا كلام رائع وجميل

والحوار ده لذيذ جدا

ربنا يباركك وتكتبيلنا حاجات اكتر واكتر من الكلام الجميل المهدف ده

_________________

شكرا يا مانا على الموضوع الرائع دة
ربنا يباركك كمان و كمان
_________________

شكرا مانا بجد موضوع اكتر من رائع
انتى فعلا مبدعععععععععععه
_________________

David kadryو [b]dav و [b]jojo و [b]basem[/b][/b]

بجد موضوع حلو قوي مانامان

ربنا يخليكي