لقلبك وقلبى(2)

حلقة خاصة ..ولعشاق الماتشات ..

لقلبك وقلبى .. وبلغة بلدى ..
خلى بالك من بالك !!

سمعناهم قالوا ..
صاحب بالين كداب .. وثلاتة منافق ..!!
مثل دارج وحكمة قالوها عواجيز المساطب أيام العز والبال المرتاح..

أيام ما كنا نتكور و ننام الساعة تسعة بالكتير ..
ويوم ما كانت تيجى عشرة علينا ... نبقى إنحرفنا وبقينا قللآت الأدب .
وناخد العلقة اللى هية ..
وبرضه ننام ...

أقول إيه على اللى إحنا فيه ..
وعايزين نحكمه أو نداريه!!

بال واحد إزاى يا جدعان .
لكاتب وطالب أو فنان ؟؟
وكل حواسه ..
فيها
زنان !!

شارعنا شكيت فى أمره..
يافطته بتقول عمره ..
ما كان يوم محتاس؟؟
وتخلى منه الناس .

الكل خطواته سريعة
الوش إبتسامته عريضة..

إل

TV

متشال عالإيد..
والدعا شغال ..
من كبار وعيال

يارب يتصلح بدرى
ويبقى جديد ..

وعجبى ..
الماتش النهاردة منتخب وأرجنتين ..

كورة بتتكحرت..
للفاهم
واللى مش فاهمين ..
الكل بقيوا
كباتن ومعلقين !!

الكراسى إتعدلت وإنتظرت .
والقهاوى فرشت وإنتظمت ..
وتقوللى لى واحد بال !!.
طب إزاى ..

يبقى لى بال واحد يا ناس .
والكورة بقيت
فى
الدم
تنط وتجرى .
و.
تنادى وتغرى !!

.دة كل واحد فينا..يا غاليين
له ألف بال وسيكام ..
فهلوة
و
فبركة ومش بعلام .

خبرا وواعيين
فى كل حاجة وفاهمين .
دش ونت
وماسنجرات
مليانة حكايات وآهات

مساكين شبابنا

عايشين ب بال وبالين ..
والوش متفرطح ..
و بقى وشين !!

طب وبعدين ..

حبايبى ,,
الكورة ليها معاد ..
والماتش ممكن يتعاد .
ممكن تشوفه..
و بعد يومين
من غير ملاحق ..
و سنة تتعاد

فيزيا وكيميا وطبيعة وحساب ..
دول همنا ..
عصايتهم عصاية
أبونا وعمنا

نصيحتى
لباسم وسالى ..
إحفظ دروسك يا غالى
وخسارة بتضيع منك
ساعات رايحة وليالى ..

سمعنا
اللى قالوا
ونصحونا ..
من خبرة حياتهم إدونا ..

بعد النجاح ياحبايب
يحلالنا .الفرجة .
و
نتمطع ..
نتمتع بأحلى الماتشات ..
ونقرا أخبار ومانشتات ..
ونشوف
مارادونا
وتريكة
و
الحضرى و أحلى الصدات

حبايبى
الغاليين قالوا
شهادتك مهمة يا غالى ..
خبير واللآ طبيب عالى ..

ثبتها وبلاش تباصيها .
وترجع
م الأول تداويها !!

حبايبى
ركزوا جامد .
البال الواحد له غلاوته ..
متركز وصاحى وياخد علاوته .
صاحبه
بص فى ملامحه ..
أكيد
حا تقول يا حلاوته .

حبايبى الغاليين ..
حاولوا تتفهموا قصدى من الزجل البلدى دة .
وخلو بالكم من بالكم قوى اليومين دول ..
دة غالى قوى ..

بالنجاح دائما يارب .ليكم وللمنتخب ..
وإلى اللقاء مع قلبك وقلبى
وحلقة تانية
وعمار لبالكم

بابا سمير

_________________
لأن لى الحياة هى المسيح .. والموت هو ربح .. (فى21:1)

lميرسي اوى يا بابا سمير على الكلام الجميل ده بجد انا مبسوطه بحضرنتتك اوى لانك بتعلمكناا كتير اوى ربنا يباركك ويجدد مثل النسر شابك
_________________
لانه حينما انا ضعيف فحين اذ انا قوى

وانا كمان بضم صوتى لصوت بابا سمير
[b]الكورة ليها معاد ..
والماتش ممكن يتعاد .
ممكن تشوفه..
و بعد يومين
من غير ملاحق ..
[/b][b]و سنة تتعاد

وبقوله

[/b]

وربنا يباركك

_________________

[quote=" LOVE"]lميرسي اوى يا بابا سمير على الكلام الجميل ده بجد انا مبسوطه بحضرنتتك اوى لانك بتعلمكناا كتير اوى ربنا يباركك ويجدد مثل النسر شابك[/بأشكرك جدا ياإبنتى
مشاركتك طيبة ومشجعة .
الرب يبارك حياتك .ويكمل خدمتك وأشكرك جدا جدا لدعواتك الحلوة ..
الرب طيب جدا يا غالية . ويعوض تعب محبتك .
دمت بكل خير
_________________
لأن لى الحياة هى المسيح .. والموت هو ربح .. (فى21:1)

[quote="بابا سمير"]