زوجه لطيفه

حوار لطيف بين زوج مع زوجته
هو:
حبيبتي أنا حأطلب بيتزا ، عايزة حاجة ؟
هي:
لا يا حبيبي
هو :
اوكي
هي:
ولا اقولك ..؟
هو:
ها ، أطلب لك كمان ؟
هي:
مش عارفة
هو :
مش عارفة اذا كنتي عايزة ؟
هي:
لا
هو:
انتي جعانة ؟
هي:
يعني
هو :
يعني إيه يعني...؟
هي:
يعني مش متأكدة اذا كنت جعانة ولا لأ.
هو:
الواحد لما بيكون جعان بيعرف
هي :
لأ بس يمكن اجوع بعدين
هو:
يعني اطلب لك بيتزا؟
هي:
طيب واذا ما كنتش جعانة وقتها..؟
هو :
ما تاكليش
هي :
بس ده كدة يبقى تبذير
هو:
خلاص ، تبقي تاكليها بكرة
هي:
و اذا ما كانش لي نفس آكل بيتزا بكرة؟
هو :
مش محتاجة نفس ، الواحد عادي ممكن ياكل بيتزا كل يوم
هي:
انا لا .. أنا مش باكل بيتزا الا لما يكون عندي نفس للبيتزا
هو:
طيب بلاش ، أطلب لك حاجة تانية؟
هي:
بس أنا مش عايزة حاجة تانية
هو:
يعني عايزة بيتزا؟
هي :

لا

هو:
يعني مش عايزة حاجة؟
هي:
لأ برضه
هو :
جننتيني ، طب أعمل إيه؟

هي:
اطلب انت لنفسك
هو:
الحمد لله ، اخيرا .. ماشي ..
هي :
بس اطلب بيتزا بالتونة
هو:
نعم ؟ انا مش بحب البيتزا التونة
هي:
بس انا بحبها
هو:
وانتي مالك ؟ هو انا حاطلب ليا ولا ليكي
هي:
ليك طبعا
هو:
طيب أطلبها ليه بأة بالتونة...؟
هي:
يمكن اجوع لما يوصل الاكل
هو :
وبعدين؟
هي:
يا سلام ، يعني تفتكر آكل حاجة مش عاجباني؟
هو:
ليه هو انتي – أصلاً - عايزة تاكلي؟
هي :

ليه لأ ؟
هو:
يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانة؟؟
هي:
بالضبط
هو:
وأنا بلاش آكل؟
هي:
يمكن وقتها أكون مش جعانة

ملاحظة
محكمة الجنايات قررت تبرئة الزوج من تهمة
'قتل الزوجة مع سبق الإصرار والترصد'
وتحويل التهمة إلى ..

'قتل الزوجة دفاعاً عن النفس'
منقووووول

هو فى كده يا بيسو امسح الواد ده من المنتدى علشان صدعنى فى الكليه وكمان المنتدى
_________________
jesus my lord

ليه يا عم النجم دبه حتى جامدة

الله عليك يا انطونيو جامدة بجد

شكرا ليك وربنا يباركك

_________________

متشكر ياحبيبي ربنا يخليك

طيب ممكن واحدة بيتزا؟

_________________
تمسكت خطواتى بآثارك فمازلت قدماى ( مزمور 17 : 5 )

هو فيه ألطف من كده زوجة

بس متقلقووووووش مش كل البنات كده

احنا بردو ممكن ناكل بيتزا كل يوووووووم

وكمان مش بالتونة

هاتواااااااااا بيتزا بقى وكمان علشان خاطر ريرى

جاااااااااااااامدة جدا يا زوروووووو

وهيا ديه عدالة السماء والقضاء المصرى النزيه
_________________
My lovely 3asoltyyyyy

ههههههههههههههههههههه
انا لو مكان القاضي هديله تعويض عن حرقة الاعصاب دي
و التعويض هيبقي بيتزاااااااااااااااااااا
ههههههههههههه
ربنا يباركك
_________________
كن مطمئنا جدا جدا و لا تفكر في الامر كثيرا بل دع الامر لمن بيده الامر