يعني أيه الفرصة ؟؟؟
وإيه هي الفرصة اللي انت مستنيها في حياتك؟
وياترى هاتعرف أن هي دي فرصة العمر ازاي؟

يلا يا شباب نتناقش مع بعض عن اعظم فرصة كل واحد مستنيها في حياته...

بصراحه انا دايما بفكر فى الموضوع ده
يعنى انا من امنياتى واللى هاعتبرها واحده من فرص حياتى بجد
انى اسافر اكمل تعليمى بره ادرس كليه بره مصر يعنى
بجد انا الموضوع ده نفسى فيه قوى
بس انا بيتهيألى انه كل ما الواحد العمر بيتقدم بيه
بيتمنى حاجه جديده ويعملها فرصه حياته
ويقول لو دى تتحقق كل حياتى هاتتغير
يعنى الموضوع بتهيألى نسبى
وشكرا ارور للموضوع ده
ومتبقيش تغيبى عننا كتير

حاضر يا جميل .. مش هاغيب كتير
ومعاك حق في حكاية الربط ما بين العمر والأمنية اللي نفسه يحققها..
بس شكل كدا مافيش غيري وغيرك في المنتدى دلوقتي

انا مع باسم برضه ان في كل مرحلة كل واحد بيحط امنية غير التانية
انا اللي بتمناه فعلا اني اقدر اقوي علاقتي بربنا واخدمه بقدر الامكان قبل مخلص دراسة والدنيا تاخدني اكتر من كده عشان يبقى عندي اساس قوي على الاقل
دا رأي واحب اعرف رأيكم

وحشتوني يا شباب جداً جداً .. وبجد وحشني اوي الكلام معاكم .. انا عارفة اني غيبت كتير اوي عن المنتدى .. بس حابة اقولكم فعلاً . أنا أمنياتي اتغيرت كتير عن الاول .. وياما حسيت بإن نفسي في حاجات .. لكن اتغيرت شوية عن التانية ...

بس عايزة أخد رأيكم في فرصة..
إيه رأيك لو جالك واحد وقالك انا هاخلصك من الفقر والمرض والتعب .. ووعدك بوعود كتير اوي .. بس حطلك شوية شروط تمشي عليها .. وسافر وماشوفتش وشه تاني لفترة طويلة .. تفتكر هاتمشي وراه؟

salaam
ana b2a m3 dav
hwa gawab aljawab almozboot
ana law kanta 3arfa ano al2nsan alee wa3dnee 7aeoofe ba3doo
eb2a ana lazam a3mal alee atfa2na 3lea
w zaee ma bat2oolo fe massr
alee awalo shart a7'ro salama
rabna edalak 3 la altaree2 alsa7e7

AMEN

أهلاً دودو .. مرسيه ليك على المشاركة .. بس زي ما بنقول في مصر .. وقوع البلاء ولا انتظاره .. يعني الانتظار وحش .. والصبر محدش بيقدر عليه ..

علشان كدا بقول نفكر تاني .. لأن إختيارنا للمرة التانية هايكون أختيار نهائي يعني مافيهوش رجوع

الوقت لما يطول وإنت مستني حاجة .. ويمكن حاجة كدا ولا كدا تلمع قدام عنيك تنسيك كل اللي إنت وعدت بيه الراجل اللي سابك وسافر .. أعتقد .. هاتقول يمكن دي ماكنتش الفرصة بتاعتي .. وإن فيه فرصة تانية ...

إيه رأيكم يا شباب؟

الحد دا هو ربنا..
اللي وعدني انه رايح ليعد ليا المكان
ولما يجي الزمان هايجي ياخدني ليه
ورايكم مظبوط اني طالما انا وثقت في الشخص دا ووعدته.. وهو ماخلفش وعده معايا.. انا كمان من المفروض اتمسك بوعدي معاه
بس ياترى.. احنا بنعمل كدا؟؟

فيه ترنيمة اسمها الله بيتكلم ليا وليك

فيها كلمة حلوة اوي بتقول .. الفاهم يلمس يد الله.. والجاهل يحسبها ألغاز