انا شايف (وديه وجهة نظرى الشخصية علشان محدش يزعل ) ان المسيحية مش موجوده دلوقتى بمعناها الصح يعنى لو بصينا على ايام زمان كانوا الجماعة النصارى بيتعرفوا من مجرد ان الواحد يبص فى وشه ده كلام مصدق من المسلمين انفسهم

وكمان كان فى بركة
رغم ان انا شايف ان الواحد لو فكر صح وحسبها صح هيلاقى ان فى حاجات كتير مش صعبة ان يعملها علشان يبقى فعلا قريب من ربنا زى انه يصلى او يقرا فى الكتاب بدل الجرنان يسمع ترانيم بدل الاغانى وحاجات كدة ممكن بجد تقلب حياة الواحد وده عن تجربة ومعايشة للكلام ده

ولو فعلا طلبت الرب فى الوقت ده هابقى مسيحى وعايش فى الواقع اللى الرب بيسهلهولى ويخلينى اعرف اعيش فيه

واهم حاجة الاتكال على الرب

يارب اكون عرفت اجاوب على السؤال من وجهة نظرى واحب اعرف راى باقى الاعضاء



شكرا على الموضوع الجامد ده










GOD BLESS YOU

ارور انا بشكرك جدا جدا على مواضيعك الجامده دى
الموضوع ده بالذات جميل جدا

يعنى انا ازاى اضمن السما والابديه
وفى نفس الوقت ازاى اتعايش مع المجتمع اللى حواليا
انا دايما كنت بسأل نفسى السؤال ده ازاى انا ابقى مسيحى ومؤمن وابقى فى المدرسه دى
واصاحب الولاد دول واتعامل مع عم مصطفى بتاع السوبر ماركت
واسمع الاغانى وانا راكب الميكروباص
طيب ما انا ممكن اقعد فى البيت ومنزلش خالص
بس ازاى مش هاروح المدرسه ومش هانزل اجيب اكل ومش هاقابل اصحابى انا كده ابقى مريض
طيب انا هاروح واعمل زيهم فى كل حاجه
بس ممكن اما ارجع ابقى اقول لربنا سامحنى وخلالالالالالالالالاص
لا بس كده هابقى بغضب ربنا
طيب انا اعمل ايه؟؟؟؟؟؟؟؟
لو حد عنده الحل ياريت يقولهولى

كلام راااااااااااائع ديفيد .. شكراً كتير للتوضيح

ومرسيه كمااااااااااااان باسم أنك وضحت السؤال أكتر

بص يا باسم اصحابك بتحدد شخصيتك

محدش قال ان المؤمن مابتعاملش مع الغير مؤمنين لا انت تحب عم مصطفى زى ما بتحب امير بالظبط

ومحدش قال انك تعمل حجر على سواق الميكروباص اللى انت راكبه بس انت ممكن تسمع اغنية تندمج معاها وتحفظ كلماتها وترددها انت وماشى وتعيش معاك وده الغلط لكن لو مافكرتش في الاغنية اللى شغالة انت كدة ميه ميه

وبخصوص المواصلات عامة انا هاشاركك بحاجة ظريفة ايه رايك قبل ماتركب اى مواصلة غير العرية البيجو صلى قول لربنا يارب ابعتلى العربية اللى انت عايزنى اركب فيها وهو هايبعتلك العربية اللى هو عايزك تركبها ودور على هدف الرب انه يركبك العربية ديه وصدقنى هتلاقى حاجات كتير ممكن تكلم واحد عن المسيح فيها



وصدقنى لو علاقتك بربنا كويسة وكنت بتعمل ايه (مش اى حاجة يعنى) هو هيباركك وهاتبقى مسيحى عصرى

شكرا ديفيد على ردك
بجد افادنى كتييييييير

كلام رائع ديفيد

الموضوع صعب اوي .. علشان فيه معايير كتير مش متحددة .. والمحير اوي ان مين اللي هايحدد المعايير دي؟
وخصوصاً انها بتختلف الاراء...
هادي مثل بسيط..
موضوع اللبس .. الملابس يعني
لو بصينا لينا هنا في الوطن العربي والبلاد الشرقية .. معيار اللبس المحترم مختلف تمااااااااااماً عن الغرب... تفتكروا مين اللي صح..؟؟؟
وهل إنتقالي من بلد لبلد تاني هايخلي معاييري أنا الشخصية تتغير؟
وأسئلة تانية كتير ... مستنية أسمع رأيكم

انا عن نفسى بحب انه الناس مش هيا اللى تحددلى المعايير اللى انا اتبعها وكمان مش المجتمع
لكن انا اللى شايفه صح اعمله
ده مش معناه عصيان على التقليد والتمرد عليه
لكن فى حاجات ممكن انا اكون مقتنع بيها وهيا صح بس مش عاجبه الناس
يبقى خلاص اعملها مدام انا مقتنع بيها ومدام مش هاتغضب ربنا
اللى لازم يكون رقم واحد فى اى قرار او معيار بحطه لحياتى
ده رأيى واحب اعرف باقى الاراء

اولا مرسى على الموضوع ارائع ده لانه موضوع مهم جدا فى حياتنا
بصى انا ليا راى ياعنى بيقول ان المسيحى الصح هو الى يعيش فى العالم بس مع ربنا يعيش فى العالم ومش يعيش العالم جواه المسيحى الصح مش هو الى بيروح الكنيسة ويقرا فى الانجيل ويبعد عن مصاحبة اولا د العالم لا المعايير الصح هى معاير القلب القلب اللى للرب وبس ان الانسن المسيحى يبقى بكل كيانه مع ربنا مش يفكر غير فيه يسيب الرب ينورله حياته يرشده ياعنى لو وهو راكب الاتوبيس هو مشغل اغانى لكن لو انت فكرت ازاى شاول وهو فى طريقه ربنا ارشده وقاله شاول شاول لماذا تضطهدنى ياعنى لو كنت بتفكر فى ربنا وبس فى حياتك مع ربنا لاهتهتم بعم مصطفى ولا غيره هتعملهم على نهم ناس عاديين لان قلبك المسيحى لا يعرف التحزب فى تصرفاتك معاهم هتبقى صورة للمسيح الحى فيرى الناس اعمالكم الصالحة فيمجدو لبلكم الذىفى السمواااااااااااااااااااات

أولاً: أنا بعتذر عن الموضوع اللي بقاله اسابيع متغيرش والسبب اني مقصرة .. أنا اسفة جداً جداً .. وبطلب منكم تصلولي

ثانياً: بصراحة بعد كلامكم انا مش عارفة اقول ايه... بس فعلاً كلامكم كله رائع ...
أحب بس أحط ملخص للكلامكم قبل ما نقفله ..
ان العقل المستنير بمعرفة ربنا هو العقل اللي يقدر يوزن كل الامور اللي في الدنيا.. وحكمة ربنا تغني عن اي حاجة تاني... علشان كدا بولس الرسول بيقول (و لا تشاكلوا هذا الدهر بل تغيروا عن شكلكم بتجديد اذهانكم لتختبروا ما هي ارادة الله الصالحة المرضية الكاملة) (رو 12 : 2) ومعنى الأية دي .. ان مانمشيش زي ما الناس ماشية .. يعني مايتحكمش فينا العادات والتقاليد وخلاص .. لأن فيه كتير منها بيبقى غلط .. ولا بردو نتابع الموضة واللي ماشي اليومين دول ..لأنها بردو ممكن اوي تبقى غلط.. لكن نجدد أذهانا بمعرفة واستنارة الروح القدس علشان نقدر نعرف إيه هي إرداة الله الصالحة المرضية الكاملة...
بس بردو القديس بولس الرسول بيقول اطيعوا مرشديكم و اخضعوا لانهم يسهرون لاجل نفوسكم كانهم سوف يعطون حسابا لكي يفعلوا ذلك بفرح لا انين لان هذا غير نافع لكم ( عب 13 : 17 )
علشان كدا لازم يكون لي مرشد .. مرشد ذهنه مستنير ومتفتح لأنه اللي ملوش مرشد يسقط كأوراق الخريف ...
المرشد دا هو اللي يساعدني على سماع صوت الله وارشاده ..
ربنا يساعدنا كلنا إننا نقدر نعمل الصالح .. ومن غير تعقيد ولا كلكعة .. ونكون نور حقيقي للمسيح على الارض ...
له كل المجد والاكرام .. إلى الابد .. آمين