أنا السبب

انا السبب ...

لو ماكنتش طلعت الرحلة اللي طلعها الاجتماع كان زماني ذاكرت السؤال دا وحليته في الامتحان

أنا السبب..

لو ماكنتش طلعت الرحلة اللي طلعها الاجتماع كان زماني دلوقتي جيبت مجموع اكبر وماكنش بابا تعب بسبب النتيجة

أنا السبب..

لو كنت مسكت الراجل اللي عاكس اختي وهي في الشارع ماكنتش فشلت في دراستها

أنا السبب ...

أنا اللي أكلت زيادة علشان كدا وقعت في الخطية

أنا السبب ...

أنا بايني مافيش مني رجا

يا ترى . حد حس مننا قبل كدا بعقدة الذنب؟؟؟؟؟

_________________

بـــــس كــــــــدا

بصراحة
بالطريقة الفظيعة دي
لا ماعتقدش

لما أكلت زيادة .. ماقدرتش اقوم اصلي .. ولما ماصلتش ونمت .. بدأت تجيلي أفكار شريرة .. ووقعت في خطية الفكر .. وبعدين صحيت الصبح متعككن علشان معرفتش انام من الفكر اللي جاني .. ولما قومت متعكنن طحت في كل اللي حواليا زعيق وضرب وعصبية .. ولو كنت بسوق عربية خبط واحد علشان أنا مش شايف قدامي اصلاً

ييييييييييييه الموضوع كبير أوي يا بسام ..

يا ترى عمرك دخلت في دوامة من لوم النفس بالطريقة دي؟؟

_________________

بـــــس كــــــــدا

للاسف انه ناس كتيره
عندها اللى بيسموه فى علم النفس (عقده الذنب)
بس انا شايف انه ده مش زى ما العالم عرفه عقده ذنب
الفكره كلها انى انا مش بقدر اسامح نفسى زى ما يسوع سامحنى
وده بيرجع لانى متمتعتش بالخلاص بالكامل زى ما ربنا مديهونى
وكمان الشيطان بيصورلى انى مجرم وخاطى وانه مش ممكن ربنا يسامحنى فأنا ازاى هاسامح نفسى
ربنا يعلمنا ازاى نسامح نفسنا زى ما هو سامحنا على كل خطايانا
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

كل انسان سعات بيحس بالذانب والندم وطبعا دة بيفدنا كتير علشان نخلى بالنا لكل بالشكل دة كل الحياة هاتبقى صعبة جدااااا مرسى ارور على مواضيعك الحلوة بجد كتير
_________________
jesus my lord

أنهي شكل يا توتا؟؟؟ هي دي المشكلة
_________________

بـــــس كــــــــدا

نفسى اقولك يا ارور ليا سنننننننننننننننننننننننننه
انى دى توتا مش فيولالالالالالالالالالالالا خاااااااااااااااااااااالص
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

مالك بس يا باسم مانا قايلة توتا اهو
_________________

بـــــس كــــــــدا

ايه يا باسم جاى على اورو ليه كده
وعموما انا رأيى ان الشعور بالذنب مش حاجه وحشه قوى لانها بتخلينى اخد بالى لو جيت اعمل نفس الحاجه مره تانيه
لكن لو اتحولت لعقدة الشعور بالذنب تبقى هى دى المشكله
مش غلط انى احس بالذنب وكمان احس بتأنيب الروح القدس ليا
لكن فى نفس الوقت ضرورى ابقى واثقه فى غفران ربنا ليا وكمان ضرورى انا اسامح نفسى
ميرسى ارور على الموضوع الجميل ده
ربنا
_________________
jesus my lord

فعلا الشعور بالذنب ده حاجة وحشة وبتبقى عاملة ضغط على الانسان لكن انه يتعلم من اخطائه زى ما احنا هنا كلنا متفقين ده شئ كويس ومايكررش غلطه

طب امتى يقل الشعور بالذنب على راى الجماعة اياهم بتوع علم النفس

لما تفكر فى الحاجة اللى انت رايح تعملها وتسال نفسك السؤال ده

لو يسوع مكانى كان عمل كدة ولا اتصرف ازاى فى الموقف ده

وعلى فكرة هى اصل الفكرة بتاعت عد من واحد لعشرة بعد كدة رد

شكرا ليكى على الموضوع الجامد ده

GOD BLESS YOU

_________________

شكراً لكل اللي شارك في الموضوع دا .. وكل اللي اهتم ودخل وقرى
أنا بس هاحب اقولكم قصة...
القصة دي من العهد القديم كتير بنقراها، لكن قليل أوي لما بنفهم معناها
القصة من خروج 19، 20
موسى طلع على الجبل وقعد 40 يوم علشان يستلم الشريعة والناموس من يد الله ويسلمهم للشعب. وفي أثناء الاربعين يوم دول الله أمره وقاله تضع حدود للجبل علشان محدش يطلع على الجبل غيرك .. لأن اللي هايطلع غيرك هايموت. بس أنا عايز شعبي يشوفني وانا بتكلم. يشوف الجبل ويسمع صوتي. بس الشعب قال كدا:
(و قالوا لموسى تكلم انت معنا فنسمع و لا يتكلم معنا الله لئلا نموت، فقال موسى للشعب لا تخافوا لان الله انما جاء لكي يمتحنكم و لكي تكون مخافته امام وجوهكم حتى لا تخطئوا) (الآية19و20)
يعني الله سمح ليهم انهم يقفوا ويسمعوا صوته، لكنهم بنفسهم اللي استكتروا دا على نفسهم وقالوا لأ .. مش هاينفع أحنا مانستحقش، هانسمع منك أنت
والنتيجة كانت لأنهم معملوش علاقة مباشرة مع الله، ومسمعوش كلامه لما قالهم اقفوا واسمعوا صوتي أنهم راحوا يذبحوا للعجل الذهبي اللي عملوه بإيديهم. ودي كانت المشكلة.

الله سمح لهم. ونقل عنهم الخطية والضعف وادالهم بركات حتى لو هم مش مستحقينها، لكن هم استكتروها على نفسهم. بمعنى أصح انهم رفضوا النوع دا من العلاقة مع الله.

إنت كمان لازم يكون عندك أيمان في دم يسوع اللي يطهر من كل الشرور (و دم يسوع المسيح ابنه يطهرنا من كل خطية ( 1يو 1 : 7) طالما تقدمت بخطيتك قدام الله، واعترفت بيها وقدمت التوبة. لازم يكون عندك الثقة في تأثير الدم اللي قدمت فيه التوبة دي. ولازم أثق في حجم الدم دا أنه يطهر من كل خطية (كل خطية) مهما كانت .. ويطرحها في بحر وينساها ولا يعود يذكرها. فإن كان هو لا يعود يذكرها. إنت ليه تذكرها لنفسك؟؟

حبيب يسوع. لازم تكون عارف إن يسوع بيحب، ولما بيحب بيغفر وبينسى كل الخطية، وبيحبك انت كمان تنسى الخطية دي. من وضع يده على المحراس لا يلتفت إلى الوراء. ويسوع يقدر يخلق مستقبل جديد، مش بس كدا، يقدر كمان يستخدم الماضي بكل قساوته علشان يعمل منه مستقبل راااااائع لحياتك ..

فقط ثق وتأكد في فعالية دم المسيح وقدرته على التغيير

ربنا يبارككم ويبارك حياتكم .. آمين
_________________

بـــــس كــــــــدا