شكل الناس مش حابة الموضوع دا يا مدير

كويس خالص يا شباب انكم موافقين اني احب نفسي

أنا لازم فعلاً احب نفسي .. الرب يسوع قال اللي بيحب نفسه يهلكها واللي بيهلك نفسه من اجلي يجدها.

الآية دي ليها معنى ان اللي بيحب نفسه حب أناني هايهلك نفسه، واللي بيحب نفسه علشان خاطر المسيح عليه انه يهلكها.. واللي يهلك نفسه من اجل المسيح بعد الخطوة الاولانية يجدها.

لكن لازم عليك انك تحب نفسك، وصية الله في العهد القديم قال .. تحب قريبك كنفسك

اذا كان الله مش عايزك تحب نفسك ماكنش شبه محبة القريب زي النفس

لكن المعضلة هنا هي إيه نوع المحبة بالظبط؟

جميل اننا نهتم بكل حاجة في حياتنا.. بس أهم حاجة نهتم بيها هي أثمن حاجة اللي هي الابدية

أحب نفسي واحب اوصلها لأحسن مكان في الملكوت.

أحب نفسي واحب اوصلها بأحسن صديق واقربها منه، اللي هو يسوع المسيح

أحب نفسي وأحب اديها فرصتها في التعليم، ماتعبش نفسي بالكسل

أحب نفسي وماستخسرش فيها شوية رياضة او اهتمام صحي

أحب نفسي واخاف عليها من التدخين والادمان وكل عادة بتضرها

بس في النهاية

لازم أحــــــــــــــــــــــــب .. نفــــــــــــــــــــســـــــــــي