يا زمالك يا مدرسه لعب وفن وهندسه

على الرغم من حصد النادي الأهلي للعدد الأكبر من البطولات إلا أن الحقيقة التي قد تكون غائبة عن الكثير هي أن نادي الزمالك هو الأسبق في تحقيق معظم الإنجازات المحلية والإفريقية والعربية والعالمية. فقائمة إنجازات الزمالك مليئة على جميع الأصعدة تؤكد قيمة هذا النادي وأهميته بالنسبة لمصر، بل وتجبر كل مصري على احترامه والتشرف بالانتماء له. في هذه المقالة نستعرض هذه الإنجازات.
نادي الزمالك هوه أول فريق مصري يشارك ويفوز ببطولة محلية، وده كان سنة 1917 لما شارك في كاس الملك حسين وكان منافسه فيها موش الأهلي، لكن كان فريق الجيش الإنجليزي. يعني الزمالك اللي كان اسمه ساعتها “المختلط” كان بيمثل مصر قدام المستعمرين الإنجليز. وحصل الإنجليز للأسف على أول بطولة لكاس السلطان لكن الزمالك فضل يكافح لحد ما أصبح أول فريق مصري يحصل على كاس السلطان سنة 1921.
وواصل الزمالك ريادته في حصد البطولات لما أقيمت أول بطولة لكاس مصر سنة 1922 وبرضو فاز بيها الزمالك.
صحيح النادي الأهلي هو صاحب الفوز بأول دوري مصري سنة 1948 لكن الزمالك صاحب أول هدف في تاريخ الدوري المصري بالهدف اللي سجله محمد أمين لاعب الزمالك في النادي المصري لما كسب الزمالك 5-1. لأ وكمان الماتش ده شهد أول هاتريك في تاريخ الدوري وبرضو سجله لاعب الزمالك سعد رستم. وكمان أسرع هدف في تاريخ الدوري المصري سجله أيمن يونس لاعب الزمالك بعد 14 ثانية في السويس سنة 1991.
نرجع للبطولات. نادي الزمالك هوه أول فريق مصري يفوز ببطولة السوبر المصري اللي بتقام بين بطل الدوري وبطل الكاس أو البديل ليهم لو حد منهم اعتذر. الزمالك حقق أول بطولة سوبر محلي سنة 2001 لما كسب غزل المحلة بعد وقت إضافي. وكمان الزمالك أول فريق مصري يحقق كاس السوبر الإفريقي اللي بتقام بين بطلي إفريقيا لأبطال الدوري والكاس (الكوفيدرالية حالياً) وده كان سنة 1993.
والزمالك أول فريق مصري يحقق البطولة الأفروأسيوية لما فاز على فوروكاوا الياباني بهدفين للاشيء سجلهما عفت نصار وجمال عبدالحميد، وده كان سنة 1988.
والزمالك أول فريق مصري يحتفظ بكاس إفريقيا للأندية أبطال الدوري بعد ما فاز بيها تلت مرات أعوام 1984 و1986 و1993. وأول فريق مصري يحتفظ بكاس السوبر الإفريقي بعد ما فاز بيها تلت تلت مرات أعوام 1993 و1997 و2003.
والزمالك أول نادي مصري وإفريقي يحرز بطولة إفريقيا للأندية الأبطال خمس مرات.
نروح شوية للعالمية. أول مصري احترف في الخارج كان محمد لطيف لاعب الزمالك في التلاتينات واحترف في اسكتلندا. والزمالك كان أول فريق مصري يتأهل لكاس العالم للأندية سنة 2002 لكن للأسف البطولة اتلغت والفيفا عوض الزمالك باتنين مليون دولار. وفي نفس العام الزمالك أصبح أول فريق مصري يحرز لقب أحسن فريق إفريقي من الاتحاد الإفريقي لكرة القدم.
الإنجاز الأكبر كان في فبراير سنة 2003 لما أصبح الزمالك أول فريق مصري يفوز بلقب أحسن نادي في العالم. وفي نفس العام أصبح الزمالك أول فريق مصري يحرز بطولة السوبر المصري السعودي لما فاز على اتحاد جدة 2-1 بضربات الجزاء الترجيحية.
وكمان أول سداسية في تاريخ القطبين، الأهلي والزمالك، كانت من نصيب الزمالك لما فاز على الأهلي 6-0 في نهائي كاس مصر عام 1944. وأول هاتريك في تاريخ القطبين كان في نفس المباراة من نصيب لاعب الزمالك محمد حافظ.
تاريخ مليان بالأسبقية سواء على المستوى المحلي أو الإفريقي أو العربي أو الدولي، تاريخ يخلي كل مصري يفتخر إن فيه نادي مصري اسمه نادي الزمالك. انتهى!
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

مرتضى منصور

_________________

لالالالالا تعليييييييييييييييييييق
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

زى م انا عملت يعنى نو كومنت

_________________