طاب فين بقيت الناس ؟؟؟؟؟؟؟؟؟؟

حيرتينى يابلادى

مرة اغنيهالك واقولهالك

بلادى بلادى

ومرة ماقدر حتى اشوفها

ولا اوريكى لاولادى

مرة تبقى تحت
مستخبية فى حوارى

ومرات تبقى فوق
النجوم ليكى تلالى


لكن اعمل ايه
بحبك يا بلادى

م انتى ارضى وارض اجدادى
وهايورثوكى بعدى ولادى واحفادى

مش عشان ولادك رفعوا كاس القارة

ولا عشان بقيتى لافريقيا المنارة

لكن ده حبك يجرى فى دمى

زى م نيلك يجرى فى ارضى

قصدى ارضك وارض اجداى

النيل يرويكى والرب يهديكى

بحبك يا مصر ومهما قالوا فيكى

لا يمكن فى يوم هاقول كتير عليكى

كلامى يا مصر خلص
لكن حبى ليكى

حالف مافى يوم راح يقل
وزى ماكتبت فيكى
راح اكتب بكرة فى نيلك وولادك وارضك وربك

بحبك يا مصر وديه اقل كلمة عندى

ليكى

وانا برجع تانى
شايف نور ربانى
يرشدنى يدلنى يديلى امانى
ويطمنى
بس يا ترى انا راجع لانى خايف
ولا راجع لانى مش شايف
انا حاسس فى اخر المشوار طمان
بس الموضوع محتاج قرار
هاتالم وامشى
ولا افرح وانبسط وبرضه امشى
ماهى ماشية فى الحالتين
يبقى ايه وليه العذاب
يا نفسى اهدى واتهدى
ماتنيش شايفة
ولا مانتيش عارفة
شكلك خايفة
من اللى حواليكى ليقولوا عليكى
كانى ومانى وكلام اغانى
يا نفسى الكلام مابيلزقش
اهدى وامشى صح
وعودى للى شال ومشى
عودى للى انضرب واتصلب
عودى للى حبك ومات عشانك
عودى لحبيبك يسوع
اللى ايديه ممدوة
يدواى جروحك
يمسح دموعك
يشفى سقامك
هو دواء لدائك
هو عزاء لاحزانك
ولا انتى غاوية نكد وحزن
ومش عايزة تسيبك من الدموع
يا نفسى اعقلى