موضوووع بجد هيهز المنتدي هز وهيكون علية اقبال كتيييير اووي

انا جيت يا جماعة انا بعتزر علي التاخير الكتير ده بس للاسف انا كنت تعبان يعني كنت واخد دووور برد بس الحمد لله احسن دلوقتي ونبتدي نشارك معاكو ومع الاخ بساااااااااااام الحبيب المحبووووووب
_________________
jesus my lord

اولا الف سلامة يا نادر وحمدالله على السلامة

ثانيا يا بسساااااااااااااام
رد على اسئلتى

_________________

الف سلالالالامه عليك
يا نادر
يارب كنت انا مكانك
بجد الف سلامه
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

حمدالله علي سلامتك يا نادر
و نبتدي بقي في أسئلتك يا معلم ديفيد

ايه مواصفات فتاة احلامك وهل تفضلها مصرية ولا نرويجية ؟ ولا غربية ولا هنديه

مواصفاتها
أمممممممممممممممممممممممم
مش كتير
تكون جميلة و هادية و ذكية و روشة و مطيعة و تسمع كلامي كويس
ههههههههههههههههههههههه
طبعا دة هزار
أهم حاجة بالنسبة لي تكون مؤمنة ثم زكية و في الأخر جميلة
بس دة مش معناه انها ممكن تبقي أمنا الغولة و أرضي بيها
بس برضو مش عايز مارلين مونورو
و من ناحية الجنسية
فأنا عايزها مصرية و مصرية جدا كمان لا نرويجية ولا هندية ولا ملوخية
مصرية

ايه اكتر منتدى بيشدك فى المنتدى هنا ؟

منتدي الفوازير في الغالب هو أول حاجة بدخل فيها في الغالب

ايه الكلام اللى انت بتقوله لما تيجى تشغل الكومبيوتر ؟

يعني اية؟
كلمات سحرية يعني ولا اية
ياريت توضح و أنا هاجاوب

جبت برينتر جديدة (مبروك) بس ايه خططك ليها بتفكر هاتستخدمها ازاى وف ايه ؟
الله يبارك فيك
عقبالك
طبعا البرنتر متجاب علي اسم الكنيسة و هايكون بتاع الكنيسة بس طبعا أي مكان خدمة تاني هايحتاجلة مش هامنعة عنة

نفسك تموت وانت عندك كام سنة ؟
صدقني مافكرتش قبل كدة
لأن الموضوع مايهمنيش
كل اللي بطلبه من ربنا أنه ياخدني و أنا بصحتي و مايوصلنيش للحالة اللي أحتاج فيها حد يعينني

يعني
قووووووووووووووووووووووووول
100 سنة مثلا كفاية

ايه اكتر حلم تعبك وانت بتفكر فيه لحد دلوقتى؟
أنى أبقي دكتور و دة شكله هايبقي صعب
بس أنا هاحاول أعمل اللي عليا و الباقي علي ربنا

ايه هو الحلم اللى نفسك تحققه ؟
زي ماقلتلك أبقي دكتور
بس طبعا ليا أحلام تانية من ناحية الكنيسة و كدة يعني

مين هو او هى الشخص اللى نفسك تقدى معاه ليلة راس السنه فى كنيستكم ؟
نفسي يكون ربنا معايا في كنيستي في بداية سنة جديدة و يكمل معايا السنة
لكن من ناحية الاشخاص نفسي عيلتي بالكامل تكون معايا و ربنا يساعد قرايبي اللي برة البلد أنهم ييجو

ايه هى احلى اكلة بتحبها ؟
أنت عارفني
مابقولش لأ لأي أكل
كله عندي واحد
كله بيملي البطن و خلاص

اكتر اكلة مابتحبهاش ؟
يعني تقدر تقول في أكلة مابطيقهاش هي السبانخ
لية ماعرفش

احلى عادة بتعملها يوميا او اسبوعيا ؟
يوميا أني أفتح المنتدى و أشوف الردود الجميله علي الموضوعات الجميلة
اسبوعيا أني بحاول أروح أكبر قدر ممكن من الاجتماعات و ربنا يقدرني

ايه هى الحاجة اللى انتى بتعملها وانت حاسس انها غلط ؟
يوووووووووووووووووووووووووووووووة
ماتعدش
كتير كتير كتير
بس ربك بيسامح
مش عارف من غير رحمته كنا عملنا اية

نفسك فى ايه يحصل قبل 2007 ماتخلص؟
ماعرفش يعني تقدر تقول
نفسي كل حاجة تمشي كويسة في تدريبنا علي حفلة رأس السنة و ربنا يساعدنا

ايه اكبر خطة ل 2008 وهاتحاول تنفذيها ؟
ممكن
أني أكثف خدمتى في كل مكان (محتاج)لخدمتى

ايه هى الحاجة اللى بتتمنى تخلصها او تستغنى عنها فى 2008؟
ممكن تقول النوم الكتير
أحيانا كتير بنام و مابقدرش أروح الاجتماع
ربنا يخلصني منها العادة السيئة دي

الحمد لله
خلصت
ياللا
اللي بعده
_________________

ههههههههههههههههههههههههه
ربنا معاك يا بسام

مين الشخص اللى واحشك ونفسك تشوفه مش من اهلك؟

موضوع كان نفسك يبقالك دور فيه او فى حله ولكن مقدرتش؟

امتى حسيت انك مظلوم فى الكنيسه ؟

مشكله خااايف جدا انها تحصل معاك؟
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

على فكرة انا زعلان منك ومش هاسالك اسئلة تانيه

غير لما ترجع تجاوب تانى بس من غير شعارات يا بوسة جاوب بجد

واللى ماتعرفهوش قول ماعرفهوش
لكن تقولى باحب كل الاكل
وبيرنتر الكنيسة
وربنا يكون معايا ماهو هايكون معاك

لالالالالالالالا انا الاجوبة ديه متعجبنيش خااااااااااااااااااااااااااااااااااااالص

_________________

طيب يا عم
دة اللي عندي صدقني
ماتزعلش منى
دة مش شعارات
أنا فعلا بحب كل الأكل و دي تسأل فيها باسم
و البرنتر فعلا للكنيسة لأنة كان هايروح للكنيسة و بعدين قلنا ناخد دة و نجيب للكنيسة ليزر
و بعدين اني أطلب ربنا انة يكون معايا مالها دي
اتكلم في دي كمان

و بعدين يا عم باسم
سيبك من اللي فات و خلينا في أسئلتك

مين الشخص اللى واحشك ونفسك تشوفه مش من اهلك؟
باسم أخويا مع أنه مسافر من يومين بس الا أنه و حشني

موضوع كان نفسك يبقالك دور فيه او فى حله ولكن مقدرتش؟
معرفش بس هما كتير
لأنى أحيانا كتير بقول و أنا مالي و مامدش ايدي في العمل
بس أنا اتعودت في الفترة الاخيرة أنى أتحمل المسئولية شوية
ولا انت رأيك اية

امتى حسيت انك مظلوم فى الكنيسه ؟
لأ بصراحة و مش كلام شعارات
عمري ماحسيت بالظلم في كنيستي
ممكن نقول عشان لسة بطلع للنور في الخدمة فكل الناس بتدلعني عشان أخدم
بس أنا متأكد انى هاييجي عليا أيام هاتضرب كل ضربة ورا التانية من ابليس لأني بشوف اللي أقدم منى في الخدمة بيتضربوا برضو

مشكله خااايف جدا انها تحصل معاك؟
خايف فعلا مجموعي مايحصلش الطب البشري
و يبقي قدامي أما أدخل صيدلة اللي مش عاوزها
أو أدخل طب بيطري أو أسنان أو علاج طبيعي و أنزل بمجموعي و أضيع فرق المجموع علي الفاضي

أهو يا عم ديفيد
كل كلامي المرة دي من غير شعارات
الحقيقة كل الحقيقة ولا شيء الا الحقيقة
_________________

أمتى هايخلص الاسبوع دة
دة مش اسبوع دة اللي بتذلونا فية دة
_________________

مين الشخص اللى واحشك ونفسك تشوفه مش من اهلك؟
باسم أخويا مع أنه مسافر من يومين بس الا أنه و حشني

اعتقد ان السؤال واااااااااااااااااااااااااااااااااااااااااضح يا بسام

بس الاجابة لاااااااااااااااااااااااااااااااااااااا

_________________

هههههههههههههههههههه
معلش يا ديففففففففففففففففففيد
عدييييييييييييييييييها
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

هاى يا بسام يمكن انا معرفكش بس انا عايز اعرف حبه اسئله لو سمحت
1 انت بتدرس ايه
2- ايه اكتر موقف جرحك من الناس
3- اكتر وقت حسيت ان علاقتك بالله حلوه اوى كان احساسك ايه
4- ايه اكتر تاريخ بتفتكره كل سنه
5- اكتر حب فرق فى حياتكك اوى

هاى يا بسام انا نفسي اشترك معاكم فى اللعبه دى ممكن لانىنفسي اتعرف على المنتدى اكتر والاعضاء

انتى تشرفينا وتنورينا
يلالالالالالالالا يا بسااااااااااااااام رددددددددددد
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

ماشي يا عم باسم
هارد

أولا أهلا بيكى يا كوكا
و طبعا أتشرف بأني أرد علي أسئلتك
1 انت بتدرس ايه
بدرس ثانوية عامة تالتة ثانوي بالظبط و دي تاني سنة في تالتة
قاسم السنة يعني

2- ايه اكتر موقف جرحك من الناس
يمكن لما أثق بحد و يطلع مش قد ثقتي
لأني لما بثق بالناس بثق بزيادة حبتين

3- اكتر وقت حسيت ان علاقتك بالله حلوه اوى كان احساسك ايه
كنت فرحان جدا طبعا و كنت حاسس أن الأبدية كدة خلاص مضمونة
و أني مهما كانت المواجهات الشرسة مع ابليس فأني هانتصر عليها

4- ايه اكتر تاريخ بتفتكره كل سنه
15/12/1990
لأنة دة اليوم اللي البشرية أنعم عليها الله بمولد عبقري سيغير وجة التاريخ

دة أنا طبعا

5- اكتر حب فرق فى حياتكك اوى
بصراحة و مش كلام شعارات
حب الله
أنا أول ماشفت السؤال فكرت في الاجابة دي علطول
فكرت ازاي أنا بكون غلطان و الغلط راكبني من ساسي لراسي زي مابيقولو
و مع ذلك يفضل يحبني

لكن لو علي الحب البشري
فكل حب في حياتي حاولت أتعلمن منه حاجة تفيدني في الحب اللي بعده

ياللا
أي أسئلة تاني

هو مش كان اسبوع بس
اشمعني علي دوري بقي شهر

ياللا
يا تسألوني يا تشوفو حد غيري
أنا مش هاقعد كدة من غير شغلة ولا مشغلة

ولا اية
_________________

انا بقول انك تجاوب بمواقف مش بمعلومة احنا عايزين مواقف حصلت معاك بالفعل

ورد بسرعة

_________________