يسوع كان فايت مرة كدة يعنى
بعد ما مشى ساعات كتيرة
وقابل أحزان كتيرة ...
قال يميل ..
يرتاح شوية ..
انبسط خالص لما كان
على مرمى الشوف .. كنيسة
بيته يعنى..
خبط على الباب ..
معرفهوش ..
قالوله .. ممكن يا عم
ترتاح هناك ..
جنب الباب اللي هناك ..
معلش عندنا حفل كبير ..
وجمع غفير ..
وأنت شكلك .. سامحنا كدة يعنى ..
يمكن عشان هدومه المتربة ..
ولا ملامحه المجهدة ..
ولا رجليه المجروحين ..
وكلامه الحزين ..
اللي بيعرى زيف ..
معشش في القلوب من سنين !!
=================
يسوع كان فايت مرة كدة يعنى ..
بعد ما غسل أرجل تلاميذه ..
وانحنى تحت حمل صليبه ..
انبسط خالص ..
لما لقي على مرمى الشوف ..
كنيسة ..
ييته يعنى ..
قلبه انقبض ..من
الوشوش المرسومة
والقلوب المقسومة ..
اللي بتنبض الم
وخداع..
وعدم ..
ومن ريحة موت
بتسرى من
كل بدن
وكأن الموت ساكن
في الروح
والجسد كفن ..
مسكين ..
ولا حزين ..
ولا طريقك .. جلجثة
بطول الزمن ..
=================
يسوع كان فايت مرة كدة يعنى ..
انبسط خالص ..
لما لقي كنيسة ..
بيته يعنى ..
مكان راحته ..
اندهش من الإحساس
بالذات ..
ومعنى الكلام ..
وضعف السكات ..
والحكايات ..
ووجع الخراف البعاد ..
والابن الضال ..
اللي قبل ما يرجع ..
مات ..
=================
يسوع كان فايت ..مرة كدة يعنى ..
جنب كنيسة ..
بيته يعنى ..
أتحول وعبر ..
ويمكن بكى ..
لكن مين شاف دموعه ..
يسوع لما مشى ..
صليب جديد كان بين
ضلوعه ..

الكلام ده رائع وهو منقول من جروب على موقع الفيس بووك

شكرا جوجو لمرورك وربنا يباركك على ردك الجميل ده

شكرا كوكا على مرورك وربنا يباركك

شكرا تانت فيولا على مرورك

ربنا يباركك

وابقى بانى كدة ماتغيبيش عننا

هو الاخت من بريطانيه ؟

ايوة كدة الاخت مصرية

شكرا تانى فيولا وربنا يباركك