كان فى ست من قريه من مركز السمبلاوين فى محافظة الدقهليه ابنها كان فى الثانويه العامه وكان حلمه انه يدخل هندسه فذاكر وفعلا جاب مجموع كويس بس للاسف جت له الهندسه حلمه لكن فى محافظة الاسكندريه والولد احتار يسيب والدته ويسافر ولا يتخلى عن حلم عمره (انا موش متذكر اوى هل الولد والده ميت ولا لا بس ها تاكد وارد فى وقت تانى)المهم قرر الولد انه يسافر اسكندريه ويحقق حلمه مع انه ها يكلفه كتير بس قرر وكان متفق مع والدته ان ها يجى كل اسبوع ففعلا كان بيجى كل اسبوع يطمن عليها وجت فترة الامتحانات وانتم عارفين يا اللى بتدرسوا ما ادراك هذه الفتره فكان صعب عليه انه ينزلها القريه فقعد فى حدود اسبوعين موش ينزل ولكن ما اروع قلب الام اللى ساعات بيالمنى انا لكن المهم كان قلبها بيكالها على ابنها فقررت انها تنزل له اسكندريه وفعلا لمت الثبت بتاعها وفيه الفطير المشلتت وحبة قشطه وعسل وجبنه حادءه ومستلزمات كده وركبت القطرر وفعلا وصلت اسكندريه لكن للاسف الوقت كان بليل يعنى حتى لو حد ها يقدر يدلها على الجامعه موش هتلاقى فيها حد سالت واحد معدى وقالت له:يبنى موش تقدر تدلنى على مكان ابنى فى كلية الهندسه هنا
قال لها :يا امى مفيش كليات فاتحه دوقتى تعرفى عنوانه هنا
قالت له : لا يبنى انا كل اللى اعرفه انه ف كلية الهندسه
قال لها : يبقى موش ها اقدر اساعدك
قعدت تبكى وسالت التانى وقالها نفس الكلام
وفجاه حصل شىء غريب فى حد خبط عليها من ظهرها وقالها :انتى عايزه تروحى فين يا امى
قالت له :يبنى انا با ادور على ابنى فى كلية الهندسه ومفيش حد عارف يودينى تعرف تدلنى عليه ربنا يخليهم لك ويحميك لشبابك
رد الرجل وقال لها : ايون يا امى تعالى ورايا
وفعلا شالت الثبت
لكن الرجل قالها : افضلى امشى ورايا اوعى تمشى يمين ولا شمال
قالت له : حاضر يبنى
وبعد مشوار طويل ونزلوا نفق ومشيوا وهى ماشيه وراه وصلوا البيت وطلع معاها الرجل ورن لها الجرس وفتح فعلا ابنها الباب الواد استغرب اوى وزعلان اوى زعلان لانها سابت البيت وجت له واستغرب لانها ازاى عرفت البيت فاول سؤال سالها : انتتى عرفتى البيت منين يا امى ؟
قالت له : الرجل ابن الحلال ده هو اللى وصلنى.............. وبتبص واستغربت اوى وابنها استغرب مين ده يا امى قالت ده الواقف على السلم وبصوا موش لقوا الرجل اختفى فى غمضة عين بمجرد رنه للجرس
فدخل امه الشقه قالها ادخلى يا امى خلاص عرفت مين اللى وصلك خلاص
اكيد انتم عرفتوا مين الشخص اللى وصلها هو احلى اب فى الدنيا لىّ بابى حبيب قلبى يسوع هو بابا وماما واختى واخويا وصديقى وحبيبى والدكتور بتاعى والمحامى بتاعى والمرشد بتاعى والقائد بتاعى وكل حاجه حوه هو اللى وصلها والسؤاااااااااال اللى اسيبه معاكم نفسى ترودوا علىّ ايه اللى نتعلمه من القصه الجميله ده ؟؟؟؟؟؟؟؟؟؟؟؟؟؟؟؟؟؟؟
اخوكم الصغير
ROCKY
اصعب شىء على الانسان ان الناس تكون حواليه ومحدش حاسس بيه
بابا انا عارف ان السنه ده حوه اوى علشان انت حو اوى وكلها خير عشان انت الخير
وكلها حب عشان انت الحب وكلها فرح عشان انت الفرح وكلها نجاح عشان انت اللى
بتدى النجاح وكلها سلام عشان انت السلام

شكرا ليك روكى فعلا قصة جميلة مؤثرة