الشيطان شاطر؟

الشيطان شاطر
قالوا الشيطان شاطر قولت ليه هو معاه من الشهادات قد ايه
قالوا انت لسه صغير مش قده ده بسببه ضل من الناس العدد
الكتير ، ضحكت وقلت لا متخافوش انا ابن الملك وملكه بيجرى
فى دمى متورث من سنين
واحد حكيم نصحنى وقال :-
يا ابنى انا راجل عجوز غلبان وكلامى اللى هاقوله موروث
فى عيلتى من زمان
الشيطان ده كان مليان حكمة وكامل الجمال ده كان كروب برتبة
عالية وتحت ايده كتير كتير من الكاروبيم
وبغوايه منه من راس الحية ضل بسببه ملايكة كتير
ومن الجمال والكمال والرتبة العالية وطيرانه حول الكون رحال
كان فاكر نفسه كبير اكبر من اكبر كبير
قام رايح هو واتباعه الضالين لجبل الاجتماع فى الفردوس اللى هناك
هناك فى اقصى شمال الكون
كان فاكر نفسه هيملك وهيجلس على كرسى العرش
فاكرها سهلة مش راكب دماغه غرور
وخلاص صابه الفجور
وفى لحظة الرب رماه وفى اسافل الارض نفاه
ومن ساعتها عايز ينتقم ويضل كل الناس
ولو حتى المختارين
يا ابنى ده كلامى انا قولته وخايف عليك
دول مش دم ولحم دول ارواح ولهيب النار
دول رؤساء وسلاطين
دول اجناد الشر الضالين
ومش كل من قال يا رب يا رب دخل ملكوته
ولا كل من رشم صليب على صدره نجا من عقوبة موته
سمعت انا كلام الحكيم ومغيرش جوايا شىء
كنت فاكر نفسى عنتر وفاتح صدرى ولسان حالى
بيقول للزمان انا موجود
كنت فاكر انه بميراث الملك جوايا اقدر اقاوم
واصمد واحارب الاثمين
لكن وفى اول مواجهة وبحيلة بسيطة
من كروب صغير لعين وقعت فى الشرك الدفين
قمت وحاولت اقاوم وقعت تانى وتالت ورابع
وحاولت اقاوم وهجمات الشر تزيد وتزيد
وفى وسط شماتة عدوى وسخريته على سقطتى
لقيت بسمة حانية على وش ابونا بتقولى ارجع للبيت الكبير
صوم وصلى وحارب من هناك واعترف بخطاياك
واتناول وامن بالخلاص وحب عدوك قبل صديقك
وامسك انجيلك سلاح جوة ايدك
ارجع ارجع وحاول تتعلم ازاى تقاوم تانى
ارجع للبيت الكبير ارجع للبيت الكبير

وربنا بيقولنا انا اهو بديك فرصه تانيه وتالته ورابعه يبقى احنا منقصرش معاه.

(لا تشمتى بى ياعدوتى ان سقطت اقوم)

++اذكرونى فى صلواتكم++

__________________

شكرا يا جون ربنا يباركك
_________________

شكرا ليك جوجو

ربنا يباركك

ايه الجمال ده كله جميله قوى يا جوجو
ربنا يباركك
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

ميرسى اووووووووووووووى يا جماعه على الكلام الجميل بجد ده ولا حاجه انا مستاهلش كل ده

بجد انا مبسوط قوى من وجود واحد زيك معانا فى المنتدى
بجد انا كنت بتابع شغلك فى منتديات تانيه
ومبسووووووووووط جدا من انك بقيت معانا يا رب انت كمان تكون مبسوط
_________________

لكنى اليوم مذهولاُ اذ حبُك ايضآ يعنينى لو انى على الارض وحيدآُ لاتيت الهى لتفدينى

شكرا جون

B.S
اجناد الشر الروحية فى السماويات مش فى الاسفل

بس موضوع لذيذ وكلمات جامدة
ربنا يباركك

_________________

[b]كلمات قويه ياجون طلعت اشطر من الشاطر
ربنا يحفظك لمجد اسم المسيح
Twisted Evil

ميرسي يا جوجو على الموضوع الجميل ده ربنا يباركك
_________________
لانه حينما انا ضعيف فحين اذ انا قوى

شكراااا يا جو جو على الموضوع الجميل ده ربنا يباركك
_________________
jesus my lord

ربنا يباركك يا جوجو
وربنا يقدرنا ان ننتصر على عدو الخير دايما